8 июньцта Мордовиянь Оцюнять аф лама пингс тевонзон тиендисна Артём Здунов етафтсь совещании, конань пингста корхтафоль Саранскяйса Лесная ульцяса лама этажень куттнень строямаснон колга. Ванфтольхть платтне, конатнень азозь строительхне, модань участкань максомань варианттне. Совещанияса примасть участия МР-нь Правительствать профильнай членонза и строительнай компаниянь вятихне.
Лесная ульцять аймакса колма участкатнень эса арьсекшневи строямс лама этажса несколька куд, конатнень марстонь площадьсна кармай 84 тежянь квадратнай метра. Решандакшневихть инженернай коммуникациятнень пачфтемаснон и застройщикненди модатнень максомаснон коряс кизефксне. Микрорайонца должен эвондамс идень сад.
Артём Здунов мярьгсь, што проекттне должетт улемс тяниень пингоннекс, улеза сатомшка парковочнай васта и эрявикс инфраструктура. Региононь вятись стане жа лятфтась «Жилье и городская среда» национальнай проектть эряфс етафтоманц эрявиксшинц колга, аш кода нолдамс строямань графикть эзда лядондомать.
Мордовия Республикань Оцюнять пресс-службац