Мордовиянь Оцюнять аф лама пингс тевонзон тиендисна Артём Здунов 6 апрельста етафтсь рабочай васедема «Акционерная финансовая корпорация «Система» ПАО-нь делегациять представителензон мархта. Вятезе делегациять компаниять исполнительнай вице-президентоц Сергей Семкин, марса мархтонза республикав сашендсть корпорациять ламоц дочерняй структуранзон вятисна.
Корхтамась мольфтевсь республикать инвестиционнай компаниять мархта сотрудничендаманц колга. Кода азфоль, марстонь проектта может улемс лама, и экономикань эрь кодама секторса. Тяфта, корпорациясь анок етафтомс эряфс инвестпроектт оцю технологиянь сфераса, АПК-са, медицинаса, кинь строямаса. Марстонь работанди тага фкя ширесь – концессиятнень виияфнемасна.
Мордовиянь Оцюнять аф лама пингс тевонзон тиендисна отмечазе стане жа промышленностьса марстонь проекттнень оцю значенияснон, сявондемок мяльс республиканскяй предприятиятнень серьезнай производственнай базаснон. Тяконь лувксса корхтамась мольфтевсь Саранскяй телевизионнай заводть, «Лисмать», «Электровыпрямительть» виияфнеманкса возможносттнень колга.
Республикать мархта «Система» АФК-нь делегациять содафтомдонза меле кочкавихть марстонь работань конкретнай ширетне.
«Минь спасибатама корпорацияти региононьконь лангс мялень шарфтоманкса, и аноктама кафта ширдень сотксонь ладямати», - мярьгсь Мордовиянь Оцюнять аф лама пингс тевонзон тиендисна Артём Здунов.
СПРАВКАСЬ: «Система» АФК-сь – публичнай российскяй компания, кона обслуживандай пцтай 150 миллион потребитель тяфтама отрасляса, кода телекоммуникациятне, оцю технологиятне, банковскяй услугатне, розничнай торговлясь, электроннай коммерциясь, лесопереработкась, велень хозяйствась, недвижимостсь, туризмась и медицинскяй услугатне. Компаниясь пуроптфоль 1993 кизоня. Сонь выручкац 2019 кизоня арась 656,9 миллиард цалковай, марстонь актифне 2019 кизонь 31 декабрти арасть 1,3 триллион цалковай.
Мордовия Республикань Оцюнять пресс-службац