«Важна ванфтомс и касфтомс эряма вастонь и инфраструктурань строямань сявф темпнень. Меля регионца стройс сувафтфоль 340 тёжяньда лама квадратнай метра эряма васта. Ломаттненди эряманди цебярь условиянь тиендеманкса эрявихть тиендемс паркт и скверхт, кудпирьфт и бульвархт. Тя работать мяльса кирдезь Мордовияса арьсекшневи петемс-мазоптомс 24 общественнай васта и кудпирьф», - китькстазе Россиянь Минстройть оцюняц Ирек Файзуллин.
Васедемаса ванфтольхть аварийнай эряма вастста ломаттнень ётафтомаснон и уроз иттнень эряма вастса обеспечендамаснон коряс кизефксне. «Обеспечение устойчивого сокращения непригодного для проживания жилищного фонда» уликс программать мяльса кирдезь 2019-2022 кизотнень Мордовияса 29 тёжянь квадратнай метра аварийнай эряма вастста ётафтф ни 1,8 тёжянь ломань.
Стане жа Ирек Файзуллин и Артём Здунов корхтасть башка оцю значения мархта объекттнень строяманкса регионти межбюджетнай трансфертонь максомать колга.
Тяда башка, ванфтольхть «Чистая вода», «Формирование комфортной городской среды» нацпроекттнень сяда тов эряфс ётафнемаснон коряс кизефксне.
Васедемаса ульсь Мордовиянь Правительствать Председателенц Заместителец Инсаф Хайруллин.
Мордовия Республикань Оцюнять пресс-службац