Ётай четверегть Мордовиянь предприятнень продукцияснон поставкаснон колга кизефксне вановсть Матанас провинциянь губернаторть мархта васедемста Мариэта Каридад Пуй Саморань мархта – тя инь промышленнай ширде козя Кубань субъекттнень эзда фкясь. Тяса мольфтеви нефтепродуктань нолдамась, лофцонь, сиволень и сахаронь, мзярошка оцю промышленнай портт. Провинцияса цебярь шумбрашинь ванфтомань и образованиянь учреждениянь сетть (делегациять составса покодсь РАН-ть сувайсь корреспондентсь Олег Аполихин). Васедемать пингста корхтамась мольсь марспокодемань колга соглашениять тяшкстомань возможность колга, тяфта жа корхтавсь кубинскяй делегациять каршек Республикав саманц колга.
Артём Здунов и ГК «Промомед» руководствац, Петр Белый и Александр Вишневский, якасть геннай инженериянь и биотехнологиянь Центрас Гаваннаса. Учреждениясь мольхти исследованият, разработкат и инновационнай фармацевтическяй препаратонь нолдама. Основной направлениятне - онкологическяй, сердечно-сосудистай и репродуктивнай системань урмань пчкафтомась. Тев мельге корхтамать пингста ульсть сатфт договоренностть «Промомед» ГК Центрать мархта марспокодемать и уже Россиянь территорияса васьфтемать колга.
Мордовия Республикань Оцюнять пресс-службац