Од производствась – тя «Талина» компаниянь группать нинге фкя площадкац, теенза тя арась омбоце инвестпроектокс, конац ульсь нолдаф тя кизоть. Лятфтасаськ, 9 февральста Москуса «Россия» выставкаса ульсь максф ушеткс кудонь жуватанди коське кормань нолдамати.
Заводть строямац ульсь ушетф 2022 кизоня ноябрьста. Проектть инвестициянь объемоц 2 млрд. цалковайда сяда лама. Заводть производственная мощностец - 12 тежянь тонна продукция кизоти. Заводса кармай 800 покодема васта.
ГК «Талина»-ть основателец Виктор Бирюков видеоподключенияса азондозе: «Тячи агрохолдинкть коллективонц илац. Минь эздонок 7 тежянда лама, и минь нолдатама эсь лацонь производства высокобелковай продукциянь нолдамать коряс – сиволень снеконь. Тя чипсат, кнутт, ёмла-колбаскат. Сиволень чипсатнень минь тиинек, кода полафкс сембонди содаф модамарень чипсатненди. Верондатама, што продуктсь, конац нолдаф минь заводсонок, полафтсы потреблениянь культурать полезнай сиволень перекусть шири. Монь вакссон командазе. Минь марсотама 20 киза. Тя пингста минь сувафтоме республикать экономикас 50 млр цалковайда лама. Минь следующай задачаньке - ярхцамбялень кластеронь тиемась. Сюкпря Артем Алексеевиченди и сонь команданцты. Сонь саманц мархта минь эряфонеке эреклась. Сон фалу мархтонок ряц арьси эрь проектть лангса, ётафни планеркат. Кельгома Владимир Владимирович, мялезе азомс оцю сюконяма валхт максф возможность инкса инвестиционнай проектонь вииямань-касмтомань тевть эса аф аньцек Мордовияти, но и марнек странанеконди. Сюкпря сембонь эзда, кие пяшкотькшнесы Родинать продовольственнай щитонц. Россиять панжемац – минь васенце цельнеке».
Президентсь макссь вал Мордовиянь Оцюняти.
«Миндейнек тя знаковай события, - китькстазе регионтть руководителец. - Госсоветса минь кирдтяма вал школьнай питаниять инкса, эрь кизоня ётафнетяма всероссийскяй тядянь-алянь форум тя темать коряс, тиендьсаськ тянь Россиянь просвещениянь министерствать мархта марс. Арьсян, што тя проектсь шумбра, лац кочкаф питаниять колга, тя питаниянь культурась, сонь ётксонза идендинге. Конешна, тя предприятиясь сувай пяшкодьф циклань предприятиятнень ёткс. Сон максы сяда лама доход, соответственна, и налогтонга кармай сяда лама, и социальнай взноста, и 800 од покодема вастт. Минь кенярдтяма, что предприятиясь касы и виензай. Инголе нинге 5 од проектт 13,5 млрд цалковай лангс. Тинь максоде воля покодемс од инвестиционнай нишать лангса – кудонь жуватань кормань. Минь уверенна эзонза суваме - панжеме 9 февральста Дмитрий Николаевич Патрушевонь мархта завод. Оцю сюкпря «Россельхозбанкти», велень хозяйствань министерствати. Очередьса - начка кормань нолдай завод, селекционно-генетическяй центра и Поволжьяса фкя инь оцюфнень ёткста комбикормань завод. Мольхтяма аньцек инголи. Мялезе азомс сюконяма валхт бизнести, предприятиянь покодихненди смелостенкса, целень сатома тевса амбициозностьснон инкса, и сянкса, што пяшкотькшнесазь эсь экономиканеконь».
«Мордовиясь касы-виияй цебярь темпса, тинь лисенди мушенендомс и кирдемс перспективнай проектт. Тянкса теентть оцю сюкпря»,- мярьгсь Владимир Путин.
Мордовия Республикань Оцюнять пресс-службац