Совещанияса стане жа примасть участия Мордовиянь Правительствать Председателенц васенце заместителец Игорь Фрейдин и Трансмашхолдинг» АО-нь од проекттнень виияфнемаснон коряс управляющай директорсь Сергей Реботенко.
Васедемать пингста корхтафоль марстонь работань вятемать колга «Электровыпрямитель» ПАО-ть возможностензон тевс нолязь.
Мордовиянь Оцюнясь Артём Здунов китькстазе: «Минь целеньке – тиемс республикань инь сире предприятиятнень эса высокопроизводительнай од рабочай вастт, виияфнемс од компетенциятнень, келептемс ноляви изделиятнень номенклатураснон, лисемс од рынкатненди».
«Трансмашхолдинг» АО-сь – машина кинь и ошень рельсовай транспортонди подвижной составонь Россияса инь оцю и мирса фкя инь оцю разработчиксь и производительсь. Компаниясь Россияса среднеоборотнай дизелень фкя и тяка разработчиксь и производительсь, машина кинь транспортонди литьянь оцю производитель. Холдингть структурас сувси 16 производственнай площадка. Компаниять продукцияц пачфневи 30 лама государствав.
Мордовия Республикань Оцюнять пресс-службац