Мордовия Республикань Правительствась Россиянь МЧС-ть мархта вятихть покодема чрезвычайнай ситуациянь эмондамань рискнень машфтомаснон лангса.
Республикань Оцюнясь Артём Здунов китькстазе: «Тундань шадотненди анокламста ульсть урядафт ляень руслатне, тиф петема гидротехническяй сооружениятненди, азорфтома ГТС-нень собственниконь вешемась, вете кизоста синь ездост лядсь 34 эзда 5. Тиф финансовай резерв, ётафтф сембе уроветтнень эса марса покодемать коряс отработкась, тиф дополнительнай гидропостонь и лия шадаведтть касоманц – виияманц мельге ванны техническяй средствань анокламась».
Республикаса оперативнай обстановкать и превентивнай мероприятиятнень колга азондсь Мордовия Республикать коряс Россиянь МЧС-ть Прявкс управлениянц начальникоц Сергей Репин. Ульсь китькстаф, што шадотне ушеткшнихть касома-виияма. Гидролическяй обстановкать мельге приметцемс республикаса путфт 9 стационарнай гидропостт. МЧС-ть виенза и средстванза предназначениянь коряс анокт.
Россиянь МЧС-ть оперативнай управлениянь Департаментть директоронц полафтыец Дмитрий Кулешов тяфта жа лувозе докладонц, китькстазе, што сюконямок марса покодемати ули кода лац сафтомс сембе путф задачатнень.
Мордовия Республикань Оцюнять пресс-службац