23 мартста Мордовиянь Оцюнясь Артём Здунов васетькшнесь Мордовия Республикаса ломанть праванзон коряс Уполномоченнайть Валерий Левинонь мархта. Омбудсменць няфтезе ётай кизоня работанц, сатф результаттнень колга эрь кизонь докладть, шарфтомок башка мяль ся ширетненди, конатнень коряс пяшкотьфоль основной работась. Сон азозе, што 2020 кизоть коряс пшкядематнень лувкссна полафтсь аф ламода. Тяка пингть сяда сидеста ломаттне ушедсть пшкятькшнема пенсионнай и лекарственнай обеспечениянь кизефкснень коряс.
«Мзярошка киза мельцек ни васенце вастсот кизефксне, конат сотфт жилищнай законодательствать - МКД-нь капитальнайста петемаснон ётафтоманц, аварийнай фондста ётафтомать, уроз иттнень эряма вастса обеспечендамаснон», - китькстазе Валерий Левин.
Мордовиянь Оцюнясь отмечазе, што сонь мялец стане жа шарфтф уроз иттненди эряма вастонь максомати. «Тянь коряс работась эряви виияфтомс. Пяк лама ломаньда, конат ащекшнихть очередьса, хуш кядьсост улихть судебнай решеният», - мярьгсь Артём Здунов.
Валерий Левин мярьгсь, што регионца активнайста мольфтеви куд пирьфнень петемаснон-мазоптомаснон коряс работа. «Карматама стане жа тиендема ремонт кудпирьфненди сувама васттненди. Примафт тянь коряс документт, васенце ярмакне нолдавихть тянкса тядде ни», - азозе Артём Здунов.
Васедемаса стане жа корхтафоль здравоохранениянь сферать работанц колга, тяконь лувксса пандемиянь условияса медицинскяй услугатнень плановайста максомаснон, гражданонь льготнай категориятнень лекарственнай преппаратса обеспечендамаснон квалма. Мордовия Республикаса ломанть праванзон коряс Уполномоченнайсь сувафтсь предложеният и инициативат сяда товолдонь марстонь работать коряс.
Мордовия Республикань Оцюнять пресс-службац