Фестивальсь ётафневи сюконямок «Регион для молодых» конкурсть эса сяськомати, странань Президентть мяленц вельде. «Российскяй студенческяй тундась» – тя странаса фкя тяка студентонь творчествать касфтоманц-виияфтоманц коряс кирдемань программась. Сон этафневи 1992 кизоста сявомок и сувафни эсь эзонза 80 региональнай и кемонь сембероссиянь мероприятия.
Мордовиянь студенчествась – тя эсь лацонь творческяй пялькскя Россиянь студентонь тундать эса. Фестивальса примсихть участия творческяй коллектифне и вузонь солисттне республикань профессиональнай образованиянь учрежденияст. Эсь маштомаснон од ломаттне няфнесазь вокальнай, инструментальнай, кштимань и театральнай творчестваса, медиаса, видеоса и модаса. Марнек республиканскяй этапти ульсь максф 172 заявка, 60 конатнень эзда арасть сяськикс эрь кодама направлениятнень эса. Фестивальть гала-концертонь участниконзон поздравляндама сась Мордовиянь Оцюнясь Артём Здунов.
«Пяк цебярь мероприятиясь - республиканскяй уровеньца минь ётафнетяма оцю сембероссиянь студентонь тундать пяльксонц, коса Мордовиясь фалу лац няфнесы эсь прянц. Прявкссь – тя эрь кодама профессиянь, интересонь, но тя и марстопни мероприятия», - шумбракстозень кочкафнень регионть руководителец.
Китькстасаськ, што инь цебярь номерхне сяськихнень ёткста няфтьсазь республикать «Российская студенческая весна» Сембероссиянь фестивальть этапса – сон кармай ётама Саратовса 26 майста сявомок 1 июнтти молемс. 45 студент Н.П. Огаревонь лемса МГУ-та, М.Е. Евсевьевонь лемса МГПИ-та и РУК Саранскяень кооперативнай институтста няфтьсязь эсь маштома шиснон вокальнай, кштимань, театральнай и эсь лацонь жанратнень эса, модаса, стрит-артса и региональнай программаса.
Артём Здунов китькстазе: «Кельгома ялгат, оцю кельгома и кенярдема мархта корхтан – минь пяк цебярхть од ломаннеке, странань инь цебярьхнень ётксот минь добровольческяй молеманеке и студенческяй отряднеке. Кирдесть тя драйвть и сяда тов: сярядеда тячи тинценнетнень инкса, Мордовиять инкса!»
Тяфта жа Мордовиянь Оцюнять мяленц коряс залсь кирдсь кашт аф моли минута СВО-нь участникнень, конат максозь эсь эряфснон Родинать интерезонзон инкса ащезь и аф кунардонь Белгородса ВСУ-нь връгятемань жертватнень мялямснон лятфтамс.
Мордовия Республикань Оцюнять пресс-службац