Лездомс повф зиянц ломаттненди тяряфты марнек странась. Эряз лезкс макссихть ПФО-нь региоттне. Ашезь ляда ширеса и Мордовиясь. Ёмла пингста аноклафоль гуманитарнай сталма. Ня паршихне аф гастявихть ламос, симома ведсь, хозяйственнай, личнай гигиенань, ацам вастонь паршихне и с.т. Работать гуманитарнай сталмонь кочкамать коряс аноклазе рабочай группась, кона пуроптф Мордовиянь Оцюнять мярьгоманц коряс.
«Сюконян сембонди, кие ашезь ляда ширеса – предпринимательхне, общественникне, волонтёрхне, ляпе седи ломаттне!» - азозе Артём Здунов.
«Стихийнай зиянць фалу ванцыне ломаттнень кемошиснон, маштомс фкя-фкянди ризнамс, лезнемс фкя-фкянди стака эряфонь пингть. И мзярда лиссь тя зиянць, сембе странась, синь лувкссост и Мордовия Республикань эряйхне, пуромсть марс, штоба лездомс эсь ломаненьконди и штоба ломаттне марялезь эсь лангсост ширеснон кирдеманьконь и ванфоньконь», - тяшкстазе Мокшэрзянь республиканскяй отделть «Российского фонда мира» правлениять председателец Ольга Филёткина.
Кирдемс оренбуржецнень, конат повсть зиянц, ули кода сембонди Россиянь якстерь крёзонь благотворительнай счётть вельде.
Лемоц: «Российский красный крест» общероссийскяй общественнай организациять Оренбургскяй областной отделенияц
ИНН-ць: 5610031626
Счётть номероц: 40703810029250000197
БИК-сь: 942202824
Пандомать назначенияц: Благотворительнай лезксонь максомась шадаветтнень эзда повф зиянц Оренбургскй областень эряйхненди 2024 кизоня.