Сонь ваноманц пингста Алексей Ересько тяшкстазе скверть цебярь вастса улеманц колга: цебярьста кочкаф вастоц – аф ичкозе эряма васттнень эзда. Ули мезьса занямс пря аф фкя лаца кизонь ломаттненди.
Подольскяй курсанттненди скверса, кона стане жа одкстоптовсь нацпроектть мяльса кирдезь, федеральнай инжити няфтезь бизнесть участиянц эряйхненди цебярь вастонь тиемаса – ошть юго-западнай пялькссонза торговай центрань собственниксь тись иттненди развлекательнай площадка. Тя шиня тяса ётнесь «Зеленый патруль в действии» лем ала экологическяй акциясь, конань пингста кочксевсть таваткст, батарейкат и нармоттненди ярхцамбяль. Алексей Ересько марса вице-премьерть Инсаф Хайруллинонь мархта ульсь ошень очистной сооруженияса. Россиянь Президентть мярьгоманц коряс тяса арьсеви ётафтомс очистной сооружениянь оцю работа, конат ваныхть ошень округть мельге, мощностсь суткати сакшневи 225000 куб. метрат.
Стане жа Россиянь ЖКХ-нь и строительствань коряс министрть полафтыец макссь оцю оценка республикать участиянкса «Стимул» федеральнай программаса – Саранскяйть северо-восточнай пялькссонза вятевихть 600 вастонди школать, кинь и инженернай коммуникациятнень строямасна. Аньцек ётай кизоть тя программать видеса республикась шумордась 11 объект – ёткост автокитне, Саранскяйса канализационнай коллекторсь. Тядде арьсеви строямс ниле автоки, канализация и водоснабжениянь объект.
Мордовия Республикань Оцюнять пресс-службац