15 декабрьста Мордовиянь Оцюнять Артём Здуновонь ширень кирдеманц вельде республикаса ушедовсь Россиянь «Знание» обществать и участниконь командать, «Монь Мордовиязе» кадрань проектонь финалисттнень и сяськихнень марстонь проектсна.
Республикаса ётафтовихть просветительскяй лекциятнень-экскурсиятнень съёмкасна, тяконь лувксса синь ётафтсыне и региононь вятись. Артём Здунов содафтсыне школань тонафнихнень республикать историянц мархта, азонды ломаттнень колга, конат лама тисть регионть виияфнеманкса. Шабатне улихть Мордовиянь краеведениянь музейса, государственнай заповедникса, розатнень касфнемаснон коряс Россияса инь оцю комплексса.
«Знание» РО-ть делегацияс сувасть «Оцю перемена» конкурсонь школьникне-участникне, конат састь странань эрь кодама регионцта.
Съёмкатнень коряс аноклави Мордовиять колга просветительскяй фильма.
Мордовия Республикань Оцюнять пресс-службац