Мордовия Республикань Правительствась и «МТС» ПАО-сь кемокстасть социально-экономическяй сотрудничествать колга соглашения. Документть мяльс сявозь, марстонь работа кармай вятевома несколька направленияс коре. Корхтамась мольфтеви регионть телекоммуникационнай инфраструктуранц виияфнеманц, марстонь социально-культурнай проекттнень колга.
«Васендакиге, «МТС»-ть мархта сотрудничествась водендаф Мордовия Республикать телекоммуникационнай инфраструктуранц виияфнеманкса, инновационнай проекттнень эряфс етафнеманкса. Лувондсаськ, што компаниясь кармай аф аньцек подвижной радиотелефоннай связень услугань макссема, но и обеспечендасы республикать территорияса UMTS перспективнай стандартонь подвижной радиотелефоннай связень услугатнень келемомаснон, GSM стандартонь подвижной радиотелефоннай связень сетть вииякшнеманц, а стане жа од дополнтьельнай сервиснень и услугатнень тевс сувафнемаснон. Тяда башка, минь арьсекшнетяма марса «МТС»-ть мархта регионть территорияса етафтомс эряфс социально-культурнай проектт, конатнень лувксса «Сети все возрасты покорны», «Дети в интернете», «Мобильная библиотека», «Поколение М» проекттне, - китькстазе Мордовиянь Правительствать Председателец Владимир Сушков.
«МТС»-сь старандай макссемс республикань эряйхненди и предприятиятненди аф аньцек инновационнай телекоммуникационнай сервист, но и лама сопутствующай услуга, улеза тя тяниень пингонь гаджетонь рамамась, ЖКХ-нь услуганкса пандомась, денежнай переводонь тиемась и ламось лиясь. Сяс минь постояннай основаса аф аньцек одкстопнесаськ и келепнесаськ сетть республикать территорияса, но и виияфнесаьк эсь розницать, штоба обеспечендамс Мордовиянь сембе эряйхнень эрявикс услугаса. Кеман, што «МТС»-ть и Мордовиянь Правительствать марстонь вийснон вельде тяниень пингонь технологиятнень коряс мекольце сатфксне кармайхть сатовомшкат республикань эряйхненди и компаниятненди», - поладозе Мордовиянь «МТС»-ть директороц Максим Семенов.
2017 кизоня республикать территорияса кармайхть виияфневома и одкстопневома 2G, 3G,4G сеттне, а стане жа связень волоконно-оптическяй линиятне. Тячи 4G-МТС сетьса 75 Мбит/с скоростсь сатовомшка аф аньцек регионть столицаса, но и Озернайса, Луховкаса, Николаевкаса, Ялгаса, Монастырскяйса, Горяйновкаса и лия населеннай пункттнень эса.