Тячи, поладовихть ограничениятне минь спортсменоньконь выступленияснон, васенце вастти лисенди внутренняй пялькстомань ётафтоматне, стане жа цебярь условиянь тиемась спортивнай резервонь и массовай спортонь касфтомать-виияфтомать коряс анокламатне. Мордовиясь ня путфкснень лац тиендьсыне, ванфтсыня инь эрявикс позициятнень странань спортивнай центартнень ёткста.
2022-2023 кизотнень Мордовиянь спортсметтне эрзяста примсесть участия кода потмонь пялькстомаса, стане и марстонь мероприятияса Белоруссияста, Китайста и лия странань представительхнень мархта.
Республикать территорияса ётафтфоль лама оцю пялькстомада, ётксост и народъётконь. 2022 кизоня - ведти комотнематнень коряс Евразийскяй странань васенце Кубкась, Сембе россиянь велень Сабантуйсь, «Спорт в село!» Сембе россиянь васенце фестивальсь, велоспортть-шоссеть коряс Россиянь Чемпионатсь. 2023 кизоня – пожарно-араламань спортть коряс миронь чемпионаттне, киберспортть коряс народъётконь пялькстоматне, якамать, ВМХ-нь-велоспортть, эйть лангса мотогонкатнень коряс Россиянь чемпионаттне. Лама пялькстомада арьсекшневи ётафтомс тядде.
Тёждя атлетикать коряс олимпийскяй резервань республиканскяй спортивнай школать директороц Ольга Каниськина азондозе, кода вятеви спортсметтнень селекционнай кочкамасна, кодама ки синь ётайхть массовостть эзда мастерти самс. «Зрнянь медальхне сатневихть массовай спортста, - азозе сон. – Минь стаки васенцетнень ётксотама, аф ваномок сянь лангс, што аф лисенттяма народъётконь аренав. Кепотьксонди, аф кунардонь пялькстомаса, конат ётасть Сочиса, минь спортсменканьке Эльвира Хасанова Россиянь команднай чемпионатса няфтсь цебярь сатфкст мирса спортивнай якамаса 20 вайгяльбень кувалмоса».
Пялькстомань анокламань деятельсностть колга азондсь велоспортть коряс олимпийскяй резервань республиканскяй спортивнай школань спортсментсь-инструкторсь Наталья Суворова.
Мордовиянь Оцюнясь, васедемать шумордамстонза, азсь массовай спортть касфтоманц-виияфтоманц коряс кой-кодама мяльхть-арьсемат. Синь кенерсть и, улема, муйхть республикань эряйхнень эса эрек каршес отвечама, васенцекс – од ломаттнень ёткса. Корхтамась мольфтеви кудбирьфса спортивнай площадкатнень лувксснон касомасна колга, стане жа сидестонь массовай зарядкань ётафтомась спортонь «тяшттень» участияснон мархта. Кода видеста азозе Шамиль Тарпищев: «Массовостсь и тяштсь – тя марстонь кядьгот: тяштсь шачфты-касфты массовость, а массовай спортста лисендихть од тяштть».
Лятфтасаськ, Российскяй Федерациянь Президентсь Владимир Путин эсь Посланиясонза китькстазе, спортса занямань условиятне должны улемс тифт кода образовательнай организацияса, стане и предприятияса, эряма вастса, ломаттнень аф фкя лаца кизоснон и социальнай категорияснон коряс.
Мордовиянь Оцюнясь азозе: республикась кирьдсыне инициативатнень, конат сотфт массовай спортть касфтоманц-виияфтоманц мархта, тяса эряви чемпиоттнень лезкссна: синьфтомост, синь путфкссфтомост крьвястемс од тяштть ули стака. «Монга приман участия ня мероприятиятнень эса, тердьса сувамс ёткозонк и Шамиль Анвярович Тарпищевонь», - мярьгсь Артём Здунов.
Мордовиянь Оцюнясь лятфтазе, цебярь результатсь сатовсь райоттнень эса эйнь катокнень улемаснон мархта. Нинге аф лама кизода инголе аф сембе муниципалитеттне заняфтольхть тя тевса кода эряви, тядде сембось ламода полафтсь. Васедемаса азфтольхть муниципальнай инь цебярь катокть коряс пялькстомань итокне. Васенце вастса – Зубово-Полянась, омбоцеса – Ардатовскяй детско-юношескяй спортивнай школась. Бронзань казнеть сатозе Сире Шайгавонь райононь Богдановка велень катоксь. Муниципальнай райононь оцюнятненди максовсть аф аньцек диплопт, но и ярмаконь сертификатт 200 сявомок 500 тёжянь цалковайти самс.
Мордовия Республикань Оцюнять Пресс-службац