Азфоль, што республикаса сярядихнень лувкссна коль кири. «Мекольдень шиньберьф сярятькстсь 101 ломань, и тя сисем-крда сяда кржа сянь коряс, мзяра сярятькснесь фкя суткаста пиковай волнать пингста, - мярьгсь вице-премьерсь Галина Лотванова. –
Республикаса аш карантинц сёлкф класст, понедельникста шабатне туйхть каникулас, тя пингть школатнень эса эряви тиемс цебярь санитарнай обработка».
Тяниень пингть республикаса панчф 625 ковиднай васта, апак заняк коечнай фондсь 23 процент.
Оперштабса корхтафоль диспансеризациять и профилактическяй осмотратнень, вакцинациять и ревакцинациять ётафтомаснон колга, а стане жа стационархнень и аптекатнень эса лекарстватнень улемаснон мельге ваномать квалма. Кода пачфтезе МР-нь здравоохранениянь министрсь Олег Маркин, «Фармация» МР-нь ГУП-сь рамась сатомшка сембода эрявикс лекарства, ули запас стационархнень эсовок. «Тяниень пингть оржа кизефкст аф эвондакшнихть, - мярьгсь министрсь. – Пелькс может эвондамс авиаперевозкатнень пингста логистическяй услугатнень колавоманкса. Тяни ванондовихть лия региоттнень эзга логистикань кизефксне».
Заседаниять итогонзон коряс оперштабонь рабочай группась лиссь предложения мархта лоткафтомс общепитонь учреждениятнень эса лама ломанень пуропни мероприятиятнень – банкеттнень, свадьбатнень и лиятнень ётафтомаснон коряс ограничениятнень.
Мордовия Республикань Оцюнять пресс-службац