Седи ваксста поздравляндатядязь тинь Отечестваньконь историяса священнай шить – Победань шить мархта!
Тя афкукс всенароднай ила и минь сюконятама сятненди, кит верснон мекольце путерьксонц шудемс тюрсть Родинать инкса и сатнезь сяськомать тылса. Сяськиень поколениять эсь прянь аф ужяльдемац и марса кирдемац фалу кармайхть ащема тейнек примеркс.
Мордовиясь путсь путкс фашизмать сяськоманцты – минь мезьдовок аф пели боецоньке тюрсть фронтса, аватне и шабатне трудендасть госпитальхнень эса, работасть заводса и фабрикаса, строясть араламань рубежт. Великай Отечественнай войнань геройхнень ёткса аф кржа земляктонк. Республикасонк шачф-касф пцтай 100 ломанць мужестванкса казьфт орденца и медальса.
77 кизонь ётазь минь странаньке тага ащи каршек нацизмати, аралакшнесы историческяй справедливостть и сонцень возможностть гордостень марязь каннемс мяштьсонк Победань символть – георгиевскяй лентать. Минь обязательна ванфтсаськ лама национальностень народоньконь подвигонц колга мялямть, азондсаськ шабаньконди и уноконьконди афкуксонь видешить сянь колга, кодама питнеса сатовсь Победась.
Кельгома ветератт! Сюконятама теенть карксэземга мужествантень и героизмантень инкса. Минь инголентт ащетяма аф пандови шумоса!
Арьсян теенть кеме шумбраши и цебярь эряф! Великай Победань шить мархта!
Мордовия Республикань Оцюнясь А.Здунов