Региононь Оцюнясь мярьгсь: тя оржа кизефкс, эряви лац-ряц арьсемс, кода пяшкодемс сонь эрь населённай пунктса, коса улихть участковайхненди эряма васттнень мархта прябалат. Ванфтольхть тянкса уликс сембе китне-яттне — од и ташка кудса эряма вастонь рамамать эзда сявомок участковайхненди квартирань строямати молемс. Кулхцотфтольхть ся аймаконь оцюнятне, коса тя прябалась мзярс апак машфтт — Дубёнкань, Торбеевань, Темниковань, Теньгушевань, Атерень, Зубово-Полянань. Эряви азомс, кой-коса тячемс аш кемокстаф нормативнай база полициянь районнай участковайхненди эряма вастонь максоманкса.
Мордовия Республикать эзга МВД-нь общественнай порядкать ванфтоманц коряс полициянь оцюнять Владислав Пинаевонь мяленц коряс, тя прябалать машфтоманкса инь цебярь решениякс кармай, кда эряма вастсь и служебнай помещениясь улихть фкя административнай комплексса. Тяфта тиф Ардатова аймаконь Тургенева посёлкаса. Комплекссь ащи кафта служебнай квартираста, эрть площадец пцтай сяда кафтонзаф метра, и полициянь участковай пунктста — Тургенева посёлкаса, кепотьксонди, сон покоди 5 тёжяньда лама ломаненди.
Мордовиянь вятись мярьгсь Правительствать Оцюнянцты марса властень районнай оргаттнень мархта ваномс участковайхненди эряма вастонь максоманкса сембе китнень-яттнень. Ваномс финансовай ширеть мархта сотф кизефксть, штоба сувафтомс республикань бюджетть проектозонза, тяконь лувксса межбюджетнай трансферт лаца Дубёнка, Темникова, Теньгушева, Торбеева, Атерь и Зубово-Поляна аймаконь бюджеттненди.
Мордовия Республикань Оцюнять пресс-службац