Мордовиянь Оцюнясь китькстазе, што Сбербанксь — регионть цебярь партнёроц аф фкя лацонь проекттнень эряфс ётафнемаса. Сотрудничендамань важнайдонга важнай ширетнень ёткста фкясь — строительнай отраслять ширенц кирнемац. Тяниень пингть банкась максси финансирования 194 тёжянь квадратнай метрань марстонь площадьса 18 кудть строямаснонды. Кизоть ушедомста банкась макссь 2600 ипотечнай кредит, марстонь лувкссь 5 миллиартт цалковай.
«Минь виияфнесаськ банкать мархта партнёронь соткснень аф аньцек финансовай сфераса, но и лия проекттнень эряфс ётафнемаса, - азозе республикань Оцюнясь. - И мяленьке полаткшнемс сяда тов тяфтама сотрудничендамать. Тяфта, миньцонк улихть инфраструктурнай проектт, конат эрявикст Саранск ошти, коса банкати ули кода арамс тейнек партнёркс».
Альберт Фахрутдинов надияфтсь, што Сбербанксь анок работамс регионть мархта ламоц ширетнень коряс. «Тейнек ули кода азомс республикати марса эряфс ётафтоманди несколька инновационнай проектоньконь, конат аноклафт, тяконь лувксса, искусственнай интеллектть тевс нолязь», - мярьгсь сон. Васедемаса ванфтольхть цифровизацияса, образованияса и здравоохраненияса проекттне. Стане жа банконь представительхне азсть предложения вятемс марстонь тефт регионть виияфнемаса кой-кона лия ширетнень эса.
Мордовия Республикань Оцюнять пресс-службац