Тяни лядыксонь приемкась и местиндамась, Мордовия республикаса тиендеви 9 полигонса.
РМ-нь жилищно-коммунальнай хозяйствань и энергетикань министрть Васенце полафтыец Елена Цыцарева азондсь лядыксонь местиндамань объкттнень эса лятф вастть и од мощностень тиемать эса примаф мератнень колга. «Тяниень пингть сотф концессионнай соглашениятнень потмоса тиф проектна-сметнай документация «Межмуниципальный полигон №1 с линией компостирования органической фракции ТКО» объектть коряс экологическяй экспертизань ётафтомс. Полигонтть мощностец - 120 тежянь тонна кизоти, компостированиянь линиять мощностец - 63 тежянь тонна тонн кизоти», - китькстазе сон.
Проектть марстонь пинтец - 1 млрд 450 млн цалковай.
Тя объектть строямац максы возможность валхтомс ТКО-нь объепне, конат молихть полиготтненди.
Росприроднадзоронь Межрегиональнай управлениять руководителец Марк Чиненков китькстазе перьфпялень араламань требованиятнень ваномаснон эрявиксшиснон, кода проетированиянь стадияса, станя и объектть строяманц пингста. Башка ванф эряви максомс лядыксонь, конат тушендыхть полигону калмама, процентть валгоманцты омбонькръда переработкать вельде.
Мордовия Республикань Оцюнять пресс-службац