Мордовиянь Оцюнясь Артём Здунов кирдезе Елена Лапицкаять тя ввастти арафтоманц ширенц, азомок надияма сянди, што минь республикасонк Елена Александровнанди удалай эффективнайста нолямс тевс тяда ингольдень покодема вастсонза пуроптф маштомошинзон.
Региононь вятись отмечазе стане жа, што тя пингонь условиятнень пингста Федеральнай антимонопольнай службась ащи передовойса, ушеткшнемок закаснень пуропнемаснон, шумбра конкурентнай средать араламанц, питнетнень и тарифнень мельге ваномать, госзакупкань и рекламань сфератненди молемс.
Сергей Пузыревскяень валонзон коряс, товарнай рынкаса питнетнень касфнемаснонды туфталхненди эряви тиемс крхка анализ, сяс мес синь сотфт аф аньцек объективнай факторхнень, но и хозяйствующай субъекттнень индивидуальнай прянь вятемаснон мархта.
«Россиянь Президентсь Владимир Путин путсь инголенк марстонь пяк важнай задача – аф нолдамс социально значимай товархненди питнетнень касомаснон» - лятфтазе Артём Здунов и эняльдсь МР-ть эзга ФАС-нь од руководительти ладямс эффективнай марстонь работа региононь правительствать, территориальнай сембе оргаттнень мархта. «Штоба марса эрь шиня мушендомс и решандакшнемс прябалатнень – объективнайста, законодательствать мяльса кирдезь», - мярьгсь Мордовиянь Оцюнясь.
Мордовиянь Оцюнять пресс-службац