Мордовиянь Оцюнясь китькстазе, што оперативнай штабть решениянза кочкавихть од угрозань учетть мархта. «Мекольце пингть ётасть событият, конат ульсь апак учентт – корхтамась моли Татарстантть лангс беспилотникнень връгятемаснон колга, конац ламода ащи Мордовияда восток шире, корхтамок западнай границатнень колга», - мярьгсь республикань руководительсь.
Сянкса оперативнай штабть инголе ащи задача сяда лац анокламс тяфтама угрозань эвондамста взаимодействиянь механизма. «Минь путоськ планц РМ-ть территорияса панжемс БПЛТ-нь лиематнень мельге ванны центра. Карматама ётафнема эвакуациять коряс тонафнемат, штоба кажнайсь шарьхкодель, кода вятемс прянц тяфтама пингть», - китькстазе Артем Здунов.
Промышленнай, топливно-энергетическяй, транспортнай инфраструктурань объектннень эса антитеррористическяй араламать коряс ули мератнень колга азондсть вице-премьерсь Батыр Эмеев, РМ-нь кинь хозяйствань и транспортть коряс Госкомитетть председателец Валерий Кандрин, АО «Международный аэропорт Саранск»-ть генеральнай директороц Александр Кистайкин, ОАО «РЖД»-нь кшнинь кинь вокзалонь Куйбышевскяй региональнай филлиалонь Рузаевка кшнинь кинь вокзалть начальникоц Сергей Аношкин.
Заседаниять итогонзон коряс республикань Оцюнясь макссь эряйхнень араламаснонды и критическяй инфраструктурань объекттненди дополнительнай мерань кочкамать коряс порученият.
Мордовия Республикань Оцюнять пресс-службац