Ульсь няфтьф историческяй результат: явкась няфтсь 77%, максозь вайгяльснон 76 миллион 280 тежянь ломань. «Тя корхтай ломаттнень Владимир Путинонди верондамаснон колга. Тя лиссь ся пингть, мзярда ломаттнень эса фалу тяряфнесть эйфтемс. Курскяй, Белгородскяй областтнень эса вайгялень максома пингть мольсть обстрелхт. Сембе нят региоттнень эса явкась и минь лидернеконь результатоц –среднероссийскяйда оцю», – китькстазе Андрей Турчак.
«Единай Россиянь» Генсоветть Секретарец китькстазе, што партийнай сторонникнень президентонь кочкамаса явкась няфтьсь 31,2 миллион ломань –«Единай Россиять» путфксоц Владимир Путинонь сяськомас - 41%. Тяфта жа партиясь пяк лездсь кандидатть инкса подписень почкамста.
Лятфтасаськ, што Мордовияса кочкамань кампаниясь ётась лац, сетьмоста. Эряйхне няфтсть цебярь эрязши. Республикась арась васенцекс Приволжскяй федеральнай округса кочкамань участкатненди самать коряс– пцтай 85 %. Владимир Путинонь инкса максозь эсь вайгяльснон 89,5 % лама республикань эряй.
Заседаниять пингста ульсь китькстаф, што тя сентябрьть Единай голосованиянь шить потмоса 40 регионса ётай 67 избирательнай кампания. Андрей Турчак китькстазе, што СВО-нь участникнень ёткста кандидаттненди кармай максф инь оцю кирдемась тевти анокламаста и сяльде избирательнай компанияса. «Единай Россиянь» предварительнай голосованиянь эрь кандидатсь получандай 25% максф кочкаень вайгяльхненди.
«Посланияса Президентсь лемдезень СВО-нь участникнень од Элитакс. Нят ломаттненди эряви занцемс вяти позициият властьса, бизнесса, госкомпанияса. «Единай Россиясь» нинге ётай кизоть ушедсь эрязста сувафнемост синь политикав. Ламоцне, кит сась фронтста ётай кизонь единай голосованиянь шить итогонзон коряс арасть эрь кодама уровенень депутатокс», - лятфтазе Андрей Турчак.
Заседаниять пингста ульсть кулхцонтфт кочкамань итокнень колга докладт странань субъекттнень эзда, синь ётксост Белгородскяй областсь и Донецкяй Народнай Республикась.
Мордовия Республикань Оцюнять пресс-службац