2023 кизоня республикань финансонь системась нинге сяда кемокстась: няевиста кассть республикать эсь доходонза, Мордовиять государственнай шумоц емлалгаткшни, васенцеда лама кизоста республикась ульсь китькстаф кода надлежащай финансонь тевс нолдамань качества мархта регион. Касфтф Мордовиять кредитнай рейтингоц.
Федеральнай казначействать руководителенц полафтыец Антон Дубовик китькстазе, республикань бюджетть цебярьста вятеманц и Правительствань финансово-экономическяй блокть лац ладяф покодемаснон. Тяфта жа сон сюконясь Мордовиянь Оцюняти лац марса покодеманкса, республикаса Казначейство России бухгалтерскяй обслуживаниянь центрань тиеманкса. «Тя федеральнай уровенень эрявикс проект, и сонь оцю вандыень шиц», - мярьгсь Антон Дубовик.
Артём Здунов китькстазе, што тя проектти макссеви оцю ванф. Тяниень пингть центраса покоди 200 ломань малава, синь получандайхть регионтть мерканзон коряс оцю зарплата. «Тя центрась - республикать конкурентнай преимуществанзон ёткста фкясь», - мярьгсь Мордовиянь руководительсь.
Тафта жа Артём Здунов няфтьсь лия направленият, конат эрявихть регионтть финансовай системанц касфтомс-виияфтомс. Синь ётксост бюджетть лангста шумонь сталмоть валхтомац. Российскяй Федерациянь Президентть Владимир Путинон Посланиянц эса ульсь мярькф бюджетнай кредиттнень коряс шумоть пяльксонц валхтоманц колга. Кармай мольфтевома сяда тов Мордовиянь социально=экономическяй программать касфтомац-виияфтомац. Эряви мольфтемс сяда тов покодемать бюджетть доходонзон касфтомаснон коряс, кеподемс ули ресурснень тевс нолдамаснон эзда эффективность.
Республикань финансонь оргаттнень покодемань итокснон колга азондсь РМ финансонь Министрсь Сергей Тюркин. Сон китькстась показателень ряд. Кепотьконди, цебярь динамика няфти упрощеннай налогообложениянь системась, кизонь итокнень коряс касомась няфтсь 35%, тя инь цебярь показательсь Приволжскяй округса и нилецесь - странаса. Профессиональнай доходть лангс налогонь сафксонь касомань темпсь няфтсь 187% - сон тяфта жа инь цебярьсь округса и котоцесь странаса. Имущественнай налогообложениять пяльксса ули цебярь динамика организациянь имуществань налогть коряс. Тяса касомась няфтсь 13,7%, тя ламода сяда оцю странань средняй значениять коряс (3,9%). Ули и Республикань Дорожнай фондтть источниконзон коряс касома.
Фкакс инь эряви цебярь динамикань няфтемс факторхнень эзда арась республикав индивидуальнай предпринимателень и лия регионста организациянь эрязста тердемась льготнай налогонь климатонь тиезь. 2023 кизоста республикав сась 2 310 индивидуальнай предприниматель и 153 юридическяй лица.
Ётай кизоть республикась ашезе валхне темпонц национальнай проетонь эряфс нолдамаса. Россиянь Правительствань проектнай тевонь депортаментса ульсь тиф федеральнай бюджетонь средствань кассовай исполнениять коряс рейтинг. Омбоце кизось республикась няфни пяк цебярь результат и сувси ТОП-10 региоттнень ёткс.
Коллегияса тяфта жа азсь вал РМ коряс Федеральнай казначествань управлениянь руководительсь Ольга Соколова, рамамань региональнай организациянь центрать директороц Иван Мысенко.
Регионтть эряензон ёткса финансовай грамотность касоманц колга азондсь Н. П. Огарёвонь лемса МГУ –нь кредитонь и финансонь кафедрань заведующайсь, населениянь региональнай финансовай грамотностень центрать руководителец Надежда Семенова. Республикань Оцюнясь мярьгсь, што пока тя покодемать аш кода лемдемс цебярькс, кда лувомс мзяра ломань повсь интернет - мошенниконь кядь алу. Тя направлениять эса эряви виияфтомс ведомстватнень ёткса марс покодемать и селгомс тя пичефтемать.
Коллегиять пингста ульсть казьфт республикань финансовай органонь покодихне.
Мордовия Республикань Оцюнять пресс-службац