16 декабрьста Мордовиянь Оцюнясь Артём Здунов Москуса ётафтсь васедема Россиянь транспортонь министрть Виталий Савельевонь мархта.
Тяфта, корхтафоль Моску — Саранск — Моску маршрутть эзга авиасообщениять колга. Тяда башка, корхтамась мольфтевсь Саранскяень народъётконь аэропортть терминалонц реконструкциянц квалма. Кда ули аноклаф сембе эрявикс проектнай документациясь, Россиянь Минтранссь анок кандомс реконструкциянь тиеманкса нолдави ярмакнень 2025-2026 кизотнень эзда 2022-2023 кизотненди и кярьмодемс петемань-тиемань тефненди 2022 кизоня ни.
Стане жа корхтафоль Сире ош - Вещёрка велетнень ёткса автомобильнай кить стряманц колга. Сон водендаф сянкса, штоба ладямс транспортнай соткс Мордовия Республикаса Санаксарскяй монастырть и Нижегородскяй областьса Дивеево велеть ёткса туристическяй кластерть виияфнеманкса.
Корхтафоль стане жа Рузаевкать обходонц и Ковылкина — Краснослободск — Ельники — Первомайск автомобильнай кить лангса транспортнай развязкать строямаснон колга.
Васедемаса ульсть Мордовиять эзда депутатсь, Безопасностть и коррупцияти каршек ащемать коряс Комитетть оцюняц Василий Пискарёв и республикань Правительствать Оцюнянц васенце полафтыец Игорь Фрейдин.