Республикань Кудса пуромксса корхтамась мольфтевсь ошень средать цебярьгофтоманц и коммунальнай инфраструктурать одкстоптоманц колга.
Тяшкстафоль, эрь кизоня Мордовияса ётафневи оцю работа жилищно-коммунальнай хозяйствать реформированиянц, эряйхненди цебярь условиянь тиематнень коряс. Оцю прябалакс стаки ляткшни коммунальнай инфраструктурать таштомомац. Тянь коряс средняй процентсь республикаса сакшневи 63 %. Жилищнай фондть цебярьгофтоманкса Мордовиясь эрязста примси участия федеральнай проекттнень и государственнай программатнень эряфс нолдамаса.
Ётай кизоть республикав сафоль 436 млн цалковай «Формирование комфортной городской среды» федеральнай поектть и «Жилье и городская среда» нацпроектть коряс, «Ару ведь» проектть коряс – 164 млн цалковай, «Комплексное обращение с твёрдыми коммунальными отходами» - 1 млрд 200 млн цалковай.
РФ-нь жилищно-коммунальнай хозяйствань и строительствань Министерствать видеса экспертнай советонь члеттне ошень средать цебярьгофтомаса тяшкстазь: Мордовиясь – ся регионць, коса няеви касомась конкурснай заявкань оформленияса. Тяса оцю путксоц республикань руководствать.
Башка темакс корхтамаса арась благоустройствань объекттнень инкса Всероссийскяй вайгялень рейтинговой максомась. 2024 кизоня Саранскяйса сави кочкамс колмотень ёткста фкя территроиясь, Рузаевкаса – каффть ёткста фкясь. Стане жа тядде ушедсь инь цебярь проектонь ошень средань цебярьгофтомаса Инсараса и Темникавса Всероссийскяй пялькстомаса кафта проекттнень-сяськихнень эряфс нолдамасна.
«Россиянь эряйхнень оцю мяльсна, штоба синь ошсна аральхть инь цебярькс. Национальнай койхнень или климатичекяй условиятнень мяльса кирдезь синь кочкасазь ся объектть, конац теест сядонга пяк мялезост. Эряви тиемс панжада и мазы марстонь вастт – цебярьхть и валтт. Мордовия Республикась эрязста примси участия вайгялень максомаса территориянь кочкамаса и лац нолясы эряфс тя проектть. Пялькстомать видеса эряфс нолдаф кафкса проект, а «Формирование комфортной городской среды» федеральнай проектть коряс 300-та лама. Тя няфтемась цебярь» - тяшкстазе РФ-нь ЖКН-нь и строительствань коряс министрть полафтыец Алексей Ересько.
Башка ванф Алексей Ересько шарфтсь регионца мольфтеви отопительнай сезонть лангс. Тяшкстафоль, отопительнай периодть мольфтеманц пингста ЖКХ-нь объектса происшествиянь машфтоманкса оцю путкссна аварийнай бригадатнень анокшисна, эсь пингста товарно-материальнай ценностень эрявикс запаснень анокламасна.
«Минь аноктама лездомс региоттненди, но, штоба мянемс чрезвычайнай происшествияда, тинь должны эсь пингстонза макссемс информациять контрольть коряс системати эрь инцидентть колга», - азозе министрть полафтыец.
Пуромксть шумордамстонза отраслянь инь цебярь представительхненди максовсть заслуженнай государственнай казнет.
Мордовия Республикань Оцюнять пресс-службац