«Город этнокультурного туризма» номинацияса васенце вастть сатозе Мордовиять столицац. Саранскяйсь няфтезе этнокультурнай туризмать «Зов торамы» национальнай туристическяй маршрутть вельде. Маршрутть инь оцю пяльксоц ётни Саранскяйть эзга. Региононь инжихне чёпафнихть мокшэрзятнень этническяй культураснонды музейса ётафни экскурсиятнень, Национальнай драматическяй театраса интерактивнай программатнень, национальнай ярхцамбялень варжама пинкнень.
Эряви тяшкстамс, што ётай кизоть маршрутсь одкстоптовсь, эзонза сувасть «Гостиный ряд» туристическяй пространствась, «Иненармунь» этнотеррасась, фудтраконь сеттне, конат тифт «Туризм и индустрия гостеприимства» национальнай проектть видеса, а стане жа «Легенда мореного дуба» музейсь.
«Туристическая порода» Сембе Россиянь премиясь – тя казне, кона макссеви муниципальнай образованиятненди или Россиянь башка населённай пункттненди ётай кизонь итокнень коряс. Премиясь арась #ПораПутешествоватьПоРоссии проектть пяльксокс, кона пуропнесыне марс мзярошка федеральнай туристическяй премиятнень, образовательнай проектт и туристическяй отрасляса профессионалонь тналть.