Федерациянь Советонь спикерть Валентина Матвиенкоть поручениянц коряс съездонь участникнень видеосвязть коряс приветствовандазень Федерациянь Советонь наукать, образованиять и культурать коряс комитетть председателец Лилия Гумерова.
Роспотентть руководителец Юрий Зубов лятфтазе, што тядде Саранскяйсь кочкафоль Россиянь изобретательствань столицакс. «Интеллектуальнай собственностень сферать виияфнеманцты путксть коряс Мордовиясь сувси инголи молихнень ёткса, - азозе сон. - Республикаса пуроптфт технологиятнень и инновациятнень ширеснон кирдемань центрань колмоцьке уроветтне — тя пяк цебярь результат. И главнайсь — пуроптф научно-технологическяй потенциал тя сферать виияфнеманкса. Тяни Мордовияса тифт и работайхть технологиятнень и инновациятнень ширеснон кирдемань 10 центрат, 6-тне ёткстост — региононь тонафнемань заведениятнень эсот Кизоть аделавомс стане жа арьсекшневи панжемс омбоце уровенень нинге центрат промышленнай предприятиятнень видеса.
Лилия Гумерова азсь благодарностень валхт Артём Здуновонди тя сферать лангс, конань эзда ламода ащи государствать технологическяй суверенитетонц кемокснемац, мялень шарфнеманкса. Лятфтасаськ, што Мордовиянь Оцюнясь сувси Федерациянь Советть Председателенц видеса интеллектуальнай собственностть виияфнемань кизефкснень коряс Советти, тяддень апрельста Саранскяйса ётафтфоль сонь выездной заседанияц. «Артём Алексеевич — тя Советть активнай участникоц, именна сонь вельдонза Мордовиясь сувси региоттнень лувксс, коса фалу мольфтеви работа интеллектуальнай собственностть виияфнеманкса», - мярьгсь Лилия Гумерова.
«Кеман, што колма ширдень соглашениять вельде, кона кемокстаф Россиянь Экономическяй касондомань-вииякшнемань министерствать, Роспатентть и Мордовия Республикань Правительствать ёткса, тя работась кармай активнайста мольфтевома сяда товга — китькстазе Артём Здунов. - Башка тя важна санкциятнень люпштамаснон пингста. Интеллектуальнай собственностень сферать виияфнемац — фкя инь васенце задачась, штоба работамс импортонь полафнемань, технологическяй суверенитетонь сфераса, штоба касфнемс региональнай производительхнень конкуренциянь кирнемаснон».
Мордовияса пуроптф технологиятнень и инновациятнень ширень кирдемань центрань целай сеть - Н.П.Огарёвонь лемса МГУ-са, Мордовиянь Технопаркса, «ВКМ-Сталь» и «Ростр» предприятиятнень видеса, а стане жа 6 ЦПТИ-т
образовательнай организациятнень эса. Сентябрьста сявомок мольфтеви тя центратнень эса школьникнень тонафнемасна. Арьсекшневи панжемс тяфтаа центрат республикань тонафнемань сембе учреждениятнень эса, штоба виияфтомс изобретательскяй тефнень.
Тядде республикась получась свидетельства «Мордовский марённый дуб» гаографическяй указаниять тевс ноляманди. Россияса 1952 кизоня Саранскяйса морённай тумоть сатнеманц коряс Саранскяй республиканскяй конторать сёлгомда меле кивок ашезь занце пря тя уникальнай материалть комплекснай производстванц мархта. «Ростр» мордовскяй компаниясь, пуроптомок вийснон партнёрхнень мархта, арась васенцекс Россияса, кие серьёзнайста маладсь морённай тумоть сатнеманцты, косьфнеманцты, переработканцты. Эрь кизоня предприятиясь тиенди переработка морёнай тумонь 10 кубометрати.
Стане жа тядде регистрировандаф «ТЕМНИКОВЪ» региональнай брендсь.
И целайнек 2022 кизось няфтезе республикань предприятиятнень изобретательскяй активностьснон касондоманц.
Мордовия Республикань Оцюнять пресс-службац