Тячи «Оптиковолоконные системы» предприятиять мощностенза макссихть нолямс 4 миллиотт вайгяльбень кувалмоса оптическяй волокна кизоти. Тя сатомшка пяшкодемс российскяй кабельнай завоттнень вешфксснон 50 процентонц.
Ванфтольхть кизефксне, конат сотфт российскяй и омба масторонь рамайхнень ширде стабильнай вешфксть обеспечендаманц мархта. Тя лезды касфнемс производствань объёмтнень.
Участникне корхтасть преформань (заготовкань), конатнень эзда усксеви оптическяй волокнось, стабильнай пачфнемать колга. Тячи преформатне пачфневихть Китайста. Владимир Сидоров макссь поручения арьсемс СНГ-нь странатнень эзда пачфнемань дополнительнай каналонь вешендемать коряс.
«Оптиковолоконные системы» предприятиять омбоце очереденц эряфс ётафтоманц мяльса кирдезь аноклави проектно-сметнай документациясь. Азсаськ, Мордовияса оптическяй волокнать ускоманкса преформань нолямань пяшксе циклать тиевоманц коряс проектть ширенц кирдезе Россиянь Президентсь Владимир Путин.
Заводть омбоце очереденц тевс нолдамац лезды касфтомс оптическяй волокнать производстванц 10 миллиотт вайгяльбес кизоти.