Советть покодема пингстонза корхтавсь тяниень вызовонь условияса гражданскяй обществань институттнень консолиданиянь, россиянь коень-обуцянь духовно-нравственнай ценностень ванфтомань и кемокстомань и синь властень публичнай оргаттнень, национально-культурнай и религиознай пуромкснень мархта марс покодемань кизефкснень колга.
Шумбраксома вал участникненди азсь Правительствань региональнай Председательсь Дмитрий Поздняков: «Тяниень пингонь вызовонь условияса, властень государственнай органонь и традиционнай духовно-нравственнай питнишинь аралай гражданскяй обществань институтонь консолидациясь кемокснесы российскяй нациянь единствать. Тя кизефкссь тяниень пингть кемокснесы эсь актуальностенц. Минь президентоньке Владимир Владимирович Путин эсь Посланиясонза Федеральнай Собранияти мярьгсь: «Мы мольхтяма аньцек инголи Шачема Масторти кельгоманеконь, волянеконь и фкаксшинеконь вельде». Китькстаса, што именно российскяй народтть фкаксшинц ланг кучф ударсь. И минь задачанеке – марса ащемс врагть каршес, кемокснемс эсь позицииянеке».
Заседанияса азсь вал «Ассоциация финно-угорских народов Российской Федерации» Общероссийскяй общественнай движениянь Председательсь Пётр Тултаев: «Россиясь исторически ульсь тиф кода лама национальностень государства, каждай народть улихть эсь лацонь ширенза, каждайть – лама веконь историяц, коенза-обуцянза, эсь лацонь культурац. Сембе минь 194 народтне лама национальностень народтть пяльксонза».
Минь национальнай республиканеке, кода и сембе минь Великай странанеке, сембе пингнень марстопнезень эрь кодама национальностень ломаттнень, эрь кодама вероисповедания мархта.
Мордовскяй и Саранскяй Митрополитсь, Владыка Зиновий – «Тячиень васедемась – цебярь возможность ваномс минь марстонь цельнеконь и задачанеконь Мордовия Республикаса межнациональнай и межконфессиональнай кизефкснень сфераса гармонизациять, сетьмешинь и согласиянь ванфтомать тяниень пичефксу пингть, минь странанеконди беспрецедентнай вызовонь враждебнай западнай мирть эзда пингть».
Эсь докладсонза «Духовное управление мусульман Республики Мордовия» Централизованнай религиознай организациянь муфтийсь Асаинов Раиль Фяритович мярьгсь: «Сембе минь содасаськ «Россия – страна возможностей» организациять покодеманц колга – ся станя. Эсь задачанеконь минь няйсаськ, штоба тя слогансь улель справедливай и минь региононеконди тожа. Мордовиясь–тя возможностень регион, тонафнеманди, покодеманди, семьянь тиеманди и шабань касфтоманди, церькаву и мечети мзярда мяльце якаманди, исповедовандамсь предканеконь религияснон, корхтамс шачема кяльса».
Мокшэрзянь народтть Межрегиональнай общественнай организациянь Председательсь Мишанин Юрий Александрович, мярьгсь– «Мокшэрзянь народтть Межрегиональнай общественнай организацияц путни оцю путфкс межнациональнай отношениятнень кемокстамс, гражданскяй обществань институттнень и Мордовия Республикань властень оргаттнень консолидацияс».
Заседанияса тяфта жа азсть вал Мордовия Республикань образованиянь Министерставань, Мордовия Республикань архивнай тевонь и национальнай политикань, культурань Министерствань, Мордовия Республикань од ломанень тевонь коряс Государственнай комитетонь представительхне, министерствань и ведомствань руководительхне, муниципалитетонь руководительхне, а тяфта жа образовательнай и некоммерческяй организациянь руководительхне.