Региональнай Правительствать эзда поздравляндатядязь тинь Шабань араламань шить мархта! Тя лямбе илась лятфни тейнек сянь колга, што шабатне сембода главнай козяшиньке.
Касы поколениять колга заботендамась — социальнай политикань основной направлениятнень эзда фкясь. Минь марстонь задачаньке — тиемс шабатнень павазукс, тиендемс возможностть сембе ширде вииякшнеманксост. Тя кизефксне фалу кирдевихть федеральнай и региональнай власттнень контрольснон ала.
Мордовияса панчсевихть образовательнай организацият, спортивнай объектт, студият, кружокт и секцият, идень технопаркт, капитальнайста петневихть школатне. Володя Дубининонь лемса «Изумрудный» лагерьса тифт од корпуст, мезсь максы тиемс ваймосемать цебярькс и аф пельксокс. Тя кизоста сявомок шаба мархта семьятне ушедсть получсема единай пособия.
Но кодама афоль уле государствать ширень кирдемац, сембода важнайсь — лямботь, мялень шарфтомать и кельгомать шабатне получсесазь семьяса.
Важна, штоба минь марстонь виеньке лездольхть касфтомс афкуксонь патриотт, конат кельгсазь эсь республикаснон.
Спасибан сембе ломаттненди, конат лемдезь эряфснон касы поколениять воспитандаманцты.
Арьсян тядятненди-алятненди, педагокненди, тренерхненди кирдевомшка и верондама шабатненди, а Мордовиянь од эряйхненди — од сатфкст, кеняртькшнема и кизонь пингть парста ваймосема!
Мордовия Республикань Правительствать Председателец Д.Поздняков