2022-2023 кизотнень средняй профессиональнай образованиянь тонафнемань организациятнень эса республиканскяй бюджетонь средстватнень вельде «Информатика и вычислительные техники» анокламань направлениять коря сули кода тонафнемс 300 ломанти. Тяда башка, 25 ломанть ули возможностьсна получамс профессия «Информационная безопасность» анокламань направлениять коряс.
Федеральнай бюджетонь средстватнень вельде обеспечендаф 30 васта «Информационные системы и программирование» средняй профессиональнай образованиянь программать коряс «Саранский автомеханический техникум» МР-нь ГАПОУ-са и «Саранский государственный промышленно-экономическяй колледж» МР-нь ГБПОУ-са.
Н.П.Огарёвонь лемса МГУ-са цифровой экономикань сфераса анокламань направлениятнень и специальносттнень коряс арьсеф 580 лама бюджетнай васта.
Лятфтасаськ, што Россиянь Президентсь панчсь ки 12 национальнай проектти: «Демография», «Культура», «Здравоохранение», «Образование», «Жилье и городская среда», «Экология», «Безопасные качественные дороги», «Производительность труда и поддержка занятости», «Наука», «Цифровая экономика», «Малое и среднее предпринимательство», «Международная кооперация и экспорт». Фкя инь васенце задачасна национальнай проекттнень – афкуксонь цебярь полафткст российскяй эрь гражданинть и эрь семьять эряфса.