Течи тынк эрямосо сехте редявикс, кенярксов читнестэ вейкесь: течи тынк туртов меельцеде карми гайгеме школань баягинесь. Удалов кадовсть уроктне, переменатне, кудонь тевтне ды стака контрольнойтне. Икеле учить – выпускной экзаментнэ ды профессиянь кочкамось.
Тиринь школасо тынь пурныде содамочить, тонадыде арсеме ды топавтомо стака тевть. Ансяк прявтось – тыненк максозь паронь теемань ды алкуксонь ялгаксчинь питневтеме урокт. Тенесэ покш путовксост тынк тонавтыцятнень ды наставниктнень. Илядо стувто евтамс тенст «сюкпря». Седейшкавань сюкпрянь валт алтавить тынк тетятненень-аватненень, конатне весе неть иетнень перть кирдсть тынк, мелявтсть ды тынк марто вейсэ кенярдсть изнявкстнэнень.
Тынь аштетядо покш эрямонь поровтонть лангсо, кочкатадо кинть, эсь седеень вешеманть. Зярдояк илядо нолда кеденк ды илядо лотка саезенть лангс, моледе икеленк путозь тевтненень!
Кирдеде мельсэнк, тынь – Мордовиянь вандынь чись. Республикасонть ламо тевть, конатне миненек топавтовить ансяк тынк марто вейсэ! Евтан седейшкавань поздоровт тыненк, тынк тетятненень-аватненень, тонавтыцятненень ды наставниктненень.
Арсян тенк вадрясто максомс экзаментнэнь ды топавтомс весе мельтнень-арсематнень!
Кадык тынк вандынь чись карми редявикс. Кеман, тынк весемесь лиси!
Мордовия Республикань Прявтось А. Здунов