Поздняков Дмитрий Александрович

Поздняков Дмитрий Александрович

Мордовия Республикань Правительствань Председателесь

Адресэсь: 430002, Мордовия Республикась, Саранск ошось, Советской курось, 35 кудось

Телефонось: 8 (8342) 32-74-69

Канцеляриясь (юридической лицятнень туртов): 8 (834-2) 32-77-49; e-mail: kanc@e-mordovia.ru



Биография

Дмитрий Александрович Поздняков чачсь 1980 иестэ Мордовиянь Кочкурбуень Семилей велесэ. 2003 иестэ прядызе Н.П. Огарев лемсэ МГУ-нь юридической факультетэнть. Важодемань тевдееманзо ушодызе «Агрофирма «Норов» ОАО-нть. 2004-2006 иетнестэ ульнесь те агропромышленной предприятиянть прявтокс. Теде мейле важодсь Кочкурбуень райононь администрациянь прявтонь васенце полавтыцякс – велень хозяйствань управлениянь прявтокс, мейле – райононь администрациянь прявтокс. 2008 иестэ Дмитрий Поздняков одс велявтсь «Агрофирма «Норов» ОАО-нь, косо 2018 иестэ саезь ульнесь генеральной прявтокс.

Дмитрий Александрович сови «Наставничество» проектэнтень, конань теицякс-ушодыцякс кармась «Моя Мордовия» экспертэнь клубось.

Полномочия

Мордовия Республикань «О Правительстве Республики Мордовия» 2022 иень панжиковонь 30-це чинь 21-З№ Законось

 

Примазь Государственной Собраниясо 2022 иень панжиковонь 27-це чистэ

3-це главась. Мордовия Республикань Правительствань полномочиятне

11-це статьясь. Мордовия Республикань Правительствань прявт полномочиятне

  1. Мордовия Республикань Правительствась правань коряс топавты полномочият, конат кандовить Мордовия Республикань ветямонтень ды а совить Мордовия Республикань Прявтонь ды Мордовия Республикань Государственной Собраниянь компетенциянтень.
  2. Мордовия Республикань Правительствась:
    1. прими участия финансонь, наукань, образованиянь, шумбрачинь ванстомань, культурань, физической культурань ды спортонь, социальной обеспечениянь, китнень ланга сэтьместэ ардомань ды экологиянь енкстнэнь коряс государственной вейкине политиканть ютавтомасо;
    2. топавты тевть ломаненть ды гражданинэнть праванзо ды олячинзэ эрямос совавтоманть, топавтоманть ды ванстоманть, ули-паронь ды общественной порядоконь ванстоманть, терроризмань ды экстремизмань а нолдамонть, преступностень каршо бороцямонть коряс;
    3. топавты Мордовия Республикань социально-экономической кастомань-кепетемань коряс тевтнень анокстамонть ды эрямос совавтоманть;
    4. топавты тевть Мордовия Республикасо эриця Россиянь Федерациянь раськетнень этнокультурной сюпавчист, сынст кельтнень ды культуратнень ванстоманть ды сюпалгавтоманть; тестэнь аволь покш раськетнень ды лия вишка раськетнень праваст ванстоманть; мигранттнэнь социальной ды культурань адаптациянть; межнациональной (межэтнической) аладямотнень профилактикань ды межнациональной ды межконфессиональной ладямонь топавтоманть коряс;
    5. топавты тевть шумбрачинь ванстомань кевкстематнень ладямонть коряс, истя жо доступной ды вадря медицинань лезксэнь максоманть, общественной шумбрачинь ванстоманть ды кемекстамонть, эрямонь шумбра лувонь ветямонть туртов условиятнень тееманть, эрицятнень эсь шумбрачинтень ответственной мелень явомань культурань кемекстамонть коряс;
    6. топавты тевть эрицятнень социальной ванстомань государственной гарантиятнень максоманть коряс, тов истя жо сови социальной обеспечениясь, эрицятненень адресной социальной лезксэнь явомась;
    7. топавты тевть семиянь, авакс улемань, тетякс улемань ды эйкакшпорань ванстоманть, браконть кода церань ды авань сюлмонть ванстомань топавтоманть коряс, семиясо эйкакштнень вадрясто трямонь-кастомань туртов условиятнень тееманть коряс, истя жо кемгавксово иеде седе покш эйкакштне явост мель тетятненень-аватненень;
    8. аноксты Мордовия Республикань бюджетэнь проектэнть;
    9. топавты Мордовия Республикань бюджетэнь эрямос совавтоманть ды аноксты евтазь бюджетэнь эрямос совавтомань коряс отчёт, Мордовия Республикань Правительствань тевдеемань невтевкстнэде эрьва иень отчёт, истя жо сеть кевкстематнень коряс, конатнень путынзе Мордовия Республикань Государственной Собраниясь, «Об общих принципах организации публичной власти в субъектах Российской Федерации» 2021 иень ацамковонь 21-це чинь 414-ФЗ№ Федеральной закононь 8-це статьянь 1-це пельксэнь 4-це пунктонть коряс, Мордовия Республикань государственной программатнень эрямос совавтомадост ды лезэвчинтень питнень максомадонть коряс иень сводной пачтямо, конань Мордовия Республикань Правительствань Председателесь невтьсы Мордовия Республикань Государственной Собраниясо;
    10. Мордовия Республикань законтнэнь коряс нолды тевс Мордовия Республикань ули-паронть, истя жо нолды тевс федеральной ули-паронть, конась федеральной законтнэнь ды Россиянь Федерациянь лия нормативной правовой акттнэнь коряс максозь Мордовия Республикань управленияс;
    11. тешксты стратегической аравтлувонь документтнэнь, конат кандовить Мордовия Республикань Правительствань тевдеемантень, анокстамонь ды витнемань лувонть, ды кемексты истят документт;
    12. евты местной самоуправлениянь органонтень, местной самоуправлениянь должностной лицянтень теемс Россиянь Федерациянь законодательствантень ладицякс сынст нолдавт правовой акттнэнь сень пингстэ, бути евтазь акттнэ а ладить Россиянь Федерациянь Конституциянтень, федеральной конституционной законтнэнень, федеральной законтнэнень ды Россиянь Федерациянь лия нормативной правовой акттнэнень, Мордовия Республикань Конституциянтень, Мордовия Республикань законтнэнень ды лия нормативной правовой акттнэнень, истя жо ули правазо пшкадемс судс;
    13. ули Мордовия Республикань Государственной Собраниясо законодательной ушодксонь правазо;
    14. «О Конституционном суде Российской Федерации» 1994 иень медьковонь 21-це чинь 1-ФКЗ№ Федеральной конституционной закононть коряс пшкади Россиянь Федерациянь Конституционной Судс;
    15. топавты лия полномочият, конат кемекстазь федеральной законтнэсэ, Мордовия Республикань Конституциясонть, Мордовия Республикань законтнэсэ, исполнительной властень федеральной органтнэнь марто вейсладямотнесэ, истя жо кемекстазь Россиянь Федерациянь Президентэнь нормативной правовой акттнэсэ ды Россиянь Федерациянь Правительствань нормативной правовой акттнэсэ, конатнень коряс Мордовия Республикань исполнительной властень органтнэнень топавтомас максовить исполнительной властень федеральной органтнэнь башка полномочиятне.