«Неень шкане сехте прявтось – те лембень пачтямонь весе системанть нардевчись. Сеттне эрьва кодат: улить овсе одт, улить истят, конатнень минь одкстомтано. Аволь беряньстэ мелят совинек «Фонд развития территорий» линиянть коряс программантень: 600 млн целковойтнеде седе ламо явтано витнемантень-одкстомантень – ТЭЦ-2-со лембень сеттнень 5,4 вайгельбеть, насосонь станцият. Весе те лезды кемекстамс лембень пачтямонь системанть нардевчинть. Тынь минек прявт партнёр – икелев эскелямо карматано ансяк вейсэ», – тешкстызе Артём Здунов.
Кортамонть шкасто Александр Вилесов пачтясь, «Т Плюс» ПАО-сь 2023 иестэ ютазь иенть коряс кавксть покшолгавтызе финансированиянть телентень Саранскоень лембень пачтямонь системанть одкстомтоманть коряс. Ошонь инфраструктурантень инвестициятнень касомась топавтозь альтернативной котельноень лувонтень ютамонть вельде. «Т Плюс» явсь 1,2 млрд целковойть лембень сеттнень, станциятнень ды лия энергообъекттнэнь одкстомтомантень. Финансированиясь покшолгавтозь Саранскоенть лембень рынкань од моделентень ютавмонть вельде.
Покш проекттнэнь ютксо – ТЭЦ-2 поселкасонть лембень сеттнень полавтомась, Тавла леенть енкссо од кудотнень ключамонть туртов теплотрассань стявтомась, Саранскоень пелеве енкссо – чилисема енкссо од кварталонь теплоснабжениянть туртов насосонь станциянь строямось ды 12 ЦТП-нь одкстомтомась.
«Миненек питней покш кемемась, конань республикась яви тенек, лезды топавтомс проекттнэнь Мордовиянь эрицятнень лезэс. Маласо шкастонть «Т Плюс» прядсы уштомань шкантень ошонь анокстамонть. Течи топавтозь 100% арсезь мероприятиятнень эйстэ, прядозь гидравлической варчамотне, истя жо Саранскоень ТЭЦ-2-со важодематне. Компаниясь евты сюкпря региононь власттненень явозь лезксэнть кисэ ды анок шкастонзо ушодомс лембень максоманть», – тешкстызе «Т Плюс» генеральной прявтось Александр Вилесов.
Мордовия Республикань Прявтонь пресс-службась