Ледстясынек, те проектэсь топавтови Россиянь Президентэнть Владимир Путинэнь кармавтоманзо коряс. Мордовиянь Прявтось Артём Здунов сови Саровонь ды Дивеевань обительтнень вельмевтемань коряс попечительской советэнтень.
Паломникень-туристэнь кластерэнь проектэнть лувсо арсеви топавтомс зярыя мероприятият республикасонть, истя жо строявить кить.
Мордовиянь Прявтось евтнесь топавтозь важодемадонть. Анок Старый Город – Вещерка кинь пельксэнь строямонть лангс проектэнь-сметань документациясь, сон лезды киртямс ардома тарканть Санаксаронь ды Серафимо-Дивеевань монастырьтнень ютксо.
Меельце иетнестэ Мордовиясо топавтозь покш важодема региононь туристической мельстуемань кастоманть коряс. «Минь тукшнотано мельс туристтнэнень ды течи уш а сатныть лоткамо таркат минек инжетнень туртов», – тешкстызе Мордовиянь Прявтось.
Вастовомасонть кортасть туристэнь инвестпроекттнэнь лувсо «Санаксарь – Саров» паломникень-туристэнь кластерсэнть ды Саранскойсэ гостиницатнень строямодост. Неть проекттнэнь кирдинзе Россиянь Правительствань Председателень полавтыцясь Дмитрий Чернышенко. Важодемась ветяви «Туризм и индустрия гостеприимства» нацпроектэнть коряс.
Вастовомасонть ульнесь Мордовиянь Правительствань Председателень полавтыцясь Батыр Эмеев.
Мордовия Республикань Прявтонь пресс-службась
Фотось – Туризм.РФ