«Тюремасонть гвардиянь ефрейторось артиллериянь ды танктнень леднематнень ало яжась неонацистэнь кавто танкт ды медицинань васенце лезксэнь явомадо мейле ливтсь тюремань паксястонть ранязь 8 ялгат. Эсь тевдеематнень вельде идизе техниканть ды десантной подразделениянь личной составонть», – кортави Давид Малыйкинэнь подвигенть коряс.
«Евтан Тенк поздоровт «Герой России» заслуженной званиянь максоманть кисэ. Исяк республикасонть минь евтынек поздоровт геройтненень, тынк каземадонть карминек содамо торжественной церемониядонть икеле. Ули мелем евтамс: зярдо ванынек Кремлясто съемкатнень, пек кенярдынек. Сюкпря каштанчинть кисэ, конань минь кирдтяно!» Весе эрицятнень пельде Мордовиянь Прявтось мерсь, весе республикась учи героенть марто вастовома тиринь моданть лангсо.
Давид Малыйкиннэнь 28 иеть. Сон прядызе Орданьбуень школанть, мольсь тонавтнеме Дубенкань аграрной техникумс. Важодеме вечкиця, чевте седей, кортыця, икелензэ путозь тевтнень топавтыця, сон свал ульнесь спортонь пелькстамотнень участникекс. 2014 иень ацамковсто сонзэ саизь армияв, службанть прядовомадо мейле военнослужащеесь тешкстась контракт.
Россиянь Геройтненень «Золотая Звезда» медальтнень явшемань церемониясонть каршо валонь евтамсто, масторонь Верховной Главнокомандующеентень пшкадемстэ, гвардиянь ефрейторось Давид Малыйкин мерсь: «Саян смелчи Тынк кемевтемс, монь боевой ялгатне, конат ней передовой рубежтнэсэ, целанек чарькодить минек эйкакштнень сэтьме вандынь чинть кисэ бороцямосонть минек Чачома масторонь мельтнень-арсематнень ванстомань коряс эсь тевдеемань весе эрявиксчинть. Весе шкатнестэ, зярдо ульнесь стака, минек покштятне стякшность Чачома масторонть ванстомо, пансть ятонть минек моданть лангсто. Минек покштятне-бабатне свал лездасть лавшотненень, прявт таркас путсть честень ды видечинь чарькодематнень. Те аволь шожда шкастонть минь, Россиянь воинтнэ, аноктано честь марто ламолгавтомс Россиянь оружиянь славанть. Апак вано весе стакачитнень лангс, минь топавтсынек путозь тевенть ды яжасынек нацизманть, конась бажи явомс минек ломантнень ды полавтомс минек вейсэнь историянть. Изнямось карми минек мельга!»
Мордовия Республикань Прявтонь пресс-службась