Мордовиянь Правительствасто Игорь Фрейдинэнь ливтеманзо кувалма, вице-премьерэнть Батыр Эмеевень региононь руководителесь аравтызе МР-нь Правительстванть пельде Саранск ошонь округонь кураторокс. Те статуссонть Председателень полавтыцясь уш ваннынзе ошонь китнень ды тешкстызе – Мордовиянь прявтошсо ошонь китнень лангсо латкотнень витнеманть коряс ютавтовиця важодемась ладязь пек беряньстэ.
«Витнемань тевтне ютавтовить аволь парсте ды пелькстнэнь апак прядо. Подрядчикесь тень толкови технологиянь башка енкстнэсэ. Алкукс жо истят технологият арасть. Нама, те а вечкеви эрицятненень», – мерсь Батыр Эмеев. Сон истя жо тешкстызе, маласо шкастонть тердевить специалистт, конат максыть питне тевс нолдавиця технологиятненень.
Саранскоень мэрэсь евтнесь, латкотнень витнеманть коряс ютавтозь тевтне зярс подрядчикентень апак пандо.
«Миненек эряви, штобу тынь витнемань тевтнень топавтоволинк вадрясто ды шкастонзо. Мон тыненк евтаса: бути тынь а прядсынк неть тевтнень шкастонзо эли примасынк сынст аволь вадрясто топавтоманть, минь пачтясынек неть тевтнень прокуратурав ды седе тов кортамо сынст коряс а карматано. Моли алкуксонь тамаша! Вадрячинть коряс кевкстяно тынк лангсто минь ды эрицятне», – тешкстызе Артём Здунов. Теде башка, сон яволявтсь, маласо шкастонть сонсь ванносынзе топавтовиця тевтнень.
Мордовиянь Прявтось промкссонть истя жо яволявтсь: кинь-транспортонь инфраструктурань покш смустенть мельсэ кирдезь, китнень строямонь ды витнемань кевкстематнень ветямо карми республикань Правительствань Председателесь Дмитрий Поздняков.
Цифровой виевгавтомань ды сюлмонь кевкстематнень карми ветямо МР-нь Правительствань Председателень полавтыцясь Алексей Ежов.
«Кемекставиця структурань ды кадрань решениятне аравтозь, васняяк, сеть тевтнень топавтомантень, конатнень путынзе икеленек масторонь Президентэсь», – тешкстызе Артём Здунов.
Мордовия Республикань Прявтонь пресс-службась