Весемезэ 2023 иестэ Президентэнь программанть коряс весе республиканть келес витнезь почтань 11 отделеният, весемезэ ютавтозь 68 млн целковойтнеде седе ламо. Ромодановасо отделениянть лангс ютавтозь 11 млн целковойтнеде седе ламо. Целанек одкстомтозь зданиясь, ветязь ведь, канализация. Ней почтань важодицятне, кода кемевтсь Артём Здунов, топавтыть тевест вадря условиятнесэ.
2024 иестэ Мордовиясо витневить эште 10 отделеният, вейсэнь питнесэ 90 миллионт целковойтнеде седе ламос.
Ютазь иень панжиковсто саезь Россиянь Почтасо мереви питневтеме кучомс 10 килодо аволь седе стака посылка СВО-в. Те шканть перть Мордовиясто боецтнэнь туртов кучозельть 26 тоннатнеде седе ламо почтань истят кучовкст. Эсь посылканзо Ромодановань сюлмонь отделениястонть кучизе Мордовиянь Прявтось. Посылкасонть – весе эрявиксэсь, ансяк сехте прявтось – тиринь земляктнень седеень лембесь ды мелень явомась.
Мордовия Республикань Прявтонь пресс-службась