Ацамковонь 10-це чистэ танконь-модельной клубонть тевдееманзо марто теевсь содавиксэкс Мордовиянь Прявтось Артём Здунов. Те шкане тюремань паксясонть клубонь инжетне ветясть алкуксонь танконь сражения.
Клубонь теицясь Илья Епифанов евтнесь республикань Прявтонтень, клубось кирди вейсэнь важодемань сюлмот 1941-1945 иетнень Войнань ды трудонь подвигень мемориальной музеенть марто: ютавты мероприятият эйкакштнень туртов, конатнесэ невти бронетехникань радиоуправляемой модельть, евтни сынст прототиптнеде, седе, кодамо техника нолдавсь тевс тюрематнесэ.
«Эсенек прявт тевекс минь ловтано историянь ледстнематнень ванстоманть, истя жо од ломантнень ютксо, секскак военной тевтнеде, сынст геройтнеде фактне ды справкатне аштить минек мероприятиятнень прявт пельксэкс. Шкань ютазь полигононть туртов модельтнеде ды декорациятнеде кармасть ламо, ды минь теинек нупаль клубонь важодеманть туртов. Ней ютавтано мероприятият тесэ, покш читнестэ ардтнетяно Мемориальной музеев, важодтяно, «Надежда» социальной приютонть ды Саранскоень 32№ школанть марто», – евтни Илья Епифанов.
Лев Сураев евтнесь, сась танконь-модельной клубонтень ялганзо марто: «Мон яван мель историянтень, военной техникантень, монсь пурнан модельть. Танктне улить весе войнатнесэ ды лововить боевой прявт техникакс».
Мордовиянь Прявтось ваннызе клубонь помещениянть, бронетехникань модельтнень, кевкстнесь башка экземпляртнэнь теемань историядост.
«Арсян, тынк тевентень мереви кармамс юрокс историянь клубтнень сеттнень туртов. Тень туртов эряви эрязасто примамс участия грантонь мероприятиятнесэ. Эряви тонавтомс эйкакштнень теемс истят модельть эсест кедьсэ», – мерсь Артём Здунов. Истя жо кармавтсь Од ломантнень тевест коряс Госкомитетэнтень муниципалитетэнть марто вейсэ вешнемс нупаль клубонть туртов, ков кармить якамо эйкакштне. Текень пингстэ тешкстызе – патриотической енксонь кужинетнень ды секциятнень важодеманть эряви кирдемс эрьва школасонть, эрьва эрямонь пунктсонть.
Мордовия Республикань Прявтонь пресс-службась