Мероприятиясонть ульнесть РФ-нь ЦИК-нь Председателесь Элла Памфилова, «Защитники Отечества» госфондонь председателесь Анна Цивилёва, ПФО-нь регионтнэнь высшей должостной лицятне, РФ-нь Федеральной Собраниянь, властень федеральной органтнэнь округонь структуратнень, научной ды общественной организациятнень представительтне, законодательтне.
Игорь Комаров тешкстызе: властень органтнэнень ды общественной институттнэнень ломантнень кемемаст кастомась - общественно-политической стабильностень ды масторонь виевгавтомань прявт лув.
Игорь Комаров евтнесь важодемадонть, конась ютавтови округсонть сеть тевтнень мельсэ кирдезь, конатнень путынзе масторонь Президентэсь Владимир Путин. Полпредэнть ванновтонзо коряс, региононь властентень эряви явомс башка мель ломантнень марто лезэв сюлмотненень, совавтомс эрицятнень решениятнень примамонь тевентень ды седе эрязасто нолдамс тевс каршо сюлмонь лувтнень.
«ПФО-со Россиясо васенцетнень ютксо кармасть важодеме каршо сюлмонь сервистнэ, конатне мейле теевсть федеральной покш платформакс. Регионтнэнь Прявттнэ эрязасто нолдыть тевс социальной сеттнень, ды минек округось тесэ истя жо васенце таркатнесэ», – тешкстызе ПФО-со Россиянь Президентэнь полномочной представителесь.
«Миненек эряви куроксто ды лезэвстэ витемс весе кевкстематнень, конат лисить спецоперациянь ветерантнэнь ды маштовозь боецтнэнь малавикстнэнь. Секскак фондось вети вейсэнь важодема властень федеральной ды региононь органтнэнь марто. ПФО-нь органтнэсэ улить ламо лия енов а молиця проектт спецоперациянь ветерантнэнень лезксэнь явоманть коряс. Сынст ютксто сехте вадрятнень эряви нолдамс тевс минек масторонь лия регионтнэсэяк», – тешкстызе «Защитники Отечества» Государственной фондонь председателесь Анна Цивилева.
Промксонть лувсо Башкортостан Республикань прявтось Радий Хабиров тейсь пачтямо властень ды местной самоуправлениянь органтнэнень кемемань кастоманть коряс. Тосо невтезельть те важодемань ладямосо прявт лувтне, ПФО-нь регионтнэнь сехте вадря практикатне.
Артём Здунов Советэнь ютазь промкстонть кортамсто, тешкстызе: «Течи Уфасо домкасто ваннынек минек государствань прявтонь кармавтоматнень СВО-нь участниктненень ды сынст семиятненень лездамонть коряс. Минек элитась – истя лемдинзе Президентэсь неть а пелиця ломантнень. «Защитники Отечества» Госфондонть марто вейсэ лездатано минек воинтнэнень тонадомс гражданкасо эрямонтень, нолдамс тевс сынст покш опытэнть ды содамочитнень кадровой касоманть туртов, лездамс реабилитациянь, медобслуживаниянь, проекттнэнь топавтоманть коряс - весе неть тевтнень путынзе минек Президентэсь».
Мордовия Республикань Прявтонь пресс-службась