Пролетарской куростонть саезь малав Сызранской куронть видьс объектэнь пельксэнть лангсо путозь 35 нежеть, балкат 27 пролеттнэсэ. Ней «Хотьковский автомост» ОАО-сь путы консольной монолитной пелькстнэнь, пряды тевтнень металлоконструкциянь нежетнень пелькссэнть консольтнень путоманть. «СТДС» ООО подрядчикесь ютавты почодомань кемекстамонь важодематнень. Строяви пиземень чудемань канализация ды почодовкстнэнь откостнэнь кемекстамось.
Истя жо тешкстазель, малав анок Гожувской курованть кольцянь развязканть видьс объектэнь пельксэсь важодематнень ютавтомаст туртов. Сонзэ коряс маласо шкастонть эряви ютавтомс пелькстамонь тевть ды кочкамс подрядчик.
Артём Здунов тешкстызе, объектэнть эряви строямс куроксто. «Минек туртов те объектэсь пек эряви – кись вейсэндясы ошонь зярыя микрорайонтнэнь, эряви промышленной енксонть туртов, сайсы эсензэ лангс центральной магистральтнестэ редявикс потоконть», – мерсь Мордовиянь Прявтось.
Региононь руководителесь кармавтсь МР-нь Правительствантень топавтомс объектэнь свалшкань финансированиянть строямонь тевтнень поладоманть ды прядоманть туртов.
Мордовия Республикань Прявтонь Пресс-службась