Артём Здунов евтась сюкпря церынентень те покш тевенть кисэ. «Тон невтик эсь прят кода алкуксонь герой, кода алкуксонь цера, кода покш семиянь сы шкань азор», – мерсь Мордовиянь Прявтось.
Сенаторось Петр Тултаев казсь Роман Майоровнень «За проявленное мужество» Федерациянь Советэнь медаль. Федерациянь Советэнь «Дети – герои» гражданско-патриотической проектэсь топавтови 2014 иестэнть саезь, тедеде истят медальть максозь масторонь 60 регионтнэстэ 200 эйкакштненень. Сынст ютксо - Роман Майоров. «Сюкпря тенть мужестванть кисэ. Кеман, тон кармат вадря ломанекс ды гражданинэкс», – мерсь сенаторось.
Екатерина Майорованень Артем Здунов макссь Мордовия Республикань Прявтонь Благодарственной серма истямо а пелиця церанть трямонзо-кастоманзо кисэ.
Весе эйкакштненень максозь казнеть Мордовиянь Прявтонть Артём Здуновонь ды сенаторонть Петр Тултаевень пельде.
Чаень симемстэ кортасть семиянть талновтыця кевкстематнеде. Вастовомасонть ульнесть Мордовия Республикань Прявтонь ды Мордовия Республикань Правительствань Администрациянь руководителесь Булат Хайрутдинов, вице-премьерэсь Галина Лотванова, Мордовиява Россиянь МЧС-нь Главной управлениянь прявтось Сергей Репин, Ковылкинань енксонь прявтось Игорь Бутяйкин.
Мордовия Республикань Прявтонь пресс-службась