Тешкстазель, пшкадематнень коряс важодемась ветяви исполнительной властень ды местной самоуправлениянь органтнэнь, общественной институттнэнь марто вейсэнь тевдееманть лувсо. Валерий Левин евтась сюкпря Артём Здуновнень лездамонть кисэ.
2023 иестэ уполномоченноенть лемс састь 1814 пшкадемат – те 6,6% седе ламо икеле иенть коряс. Касомась лиссь СВО-нь участниктнень ды сынст семиятнень пельде пшкадематнень вельде. Мордовиясь специальной военной операциянь васенце чистэнть саезь лезды те категориянтень. Боецтнэнь марто ладязь свалшкань сюлмо, СВО-нь таркатнес свалшкань лувсо пачтяви гуманитарной лезкс. Муниципальной районтнэнь прявттнэ башка ванновт ало кирдить боецтнэнь семиятнень пшкадемаст. Ютазь иень аштемковонь 1-це чистэнть саезь Мордовиясо кармась важодеме «Защитники Отечества» государственной фондонь филиалось, фондось теезь Россиянь Федерациянь Президентэнть Владимир Путинэнь решениянзо коряс.
Уполномоченноентень ламо пшкадемат кучить пенсионертнэ ды инвалидтнэ. 2023 иестэ сынст пельде сась 751 пшкадема. Прявт кевкстемась – явовиця жилищно-коммунальной услугатнень вадрячись, калгудо коммунальной отходтнэ, ламо квартирань кудотнень кирдемась, социальной лезксэнь явомась, китнень витнемась, медицинань лезксэнь явомась ды вадрячись, льготань лекарстватнень явомась, Саранск ошонь коштонь вадрячись, велетнес транспортонь ардтнемась.
Валерий Левинэнь валонзо коряс, 2023 иестэ аволь ламо кевкстемат ульнесть миграциянь (РФ-нь гражданствань максомань), санаторно-курортной обеспечениянь, важодемань занятостень ды зарплатань, социальной стационарной учреждениятнесэ улемань-аштемань условиятнень коряс.
Омбоце ие арасть пшкадемат, конат сюлмавозь инвалидтнэнень реабилитациянь технической средстватнень максоманть, велетнесэ медицинань организациятнень киртямонть, аптекатнесэ лекарствань средстватнень а улеманть, жилищно-коммунальной услугатнень лангс тарифтнень кемекстамонть марто.
Эрицятненень максозь законодательствань толковамотне.
Мордовия Республикасо ломантнень праваст коряс уполномоченноесь евтась мельть-арсемат властень органтнэнь ды депутаттнэнь марто седе тов вейсэнь тевдеемань кевкстематнень коряс.
Мордовия Республикань Прявтонь пресс-службась