МР-нь Промышленностень, наукань ды од технологиятнень министрась Игорь Губайдуллин пачтясь министерствасонть коррупциянь правань коламотнень профилактикань коряс важодеманть ладямодонзо.
Обществасонть коррупциянь невтевкстнэнь а кирдемань лувонть теемадонзо евтнесь Мордовия Республикань Прявтонь ды Мордовиянь Правительствань Администрациянь Информационной политикань управлениянь прявтось Альбина Симакина.
Мордовия Республикань Прявтонь коррупциянь ды лия правань коламотнень профилактикань коряс Управлениянть важодемадонть пачтясь Управлениянь прявтонь полавтыцясь Петр Абелов. 2023 иестэ Управлениянь ванномань материалтнэнь коряс ответственностентень ветязь 31 должностной лиця, сынст ютксто вете ломантне панезь кемемань емавтоманть кувалма.
Тедеде Управлениянь сотрудниктне примасть ероков участия государственной гражданской служащейтнень профессиональной кастомаст коряс мероприятиятнесэ. Тонавтомась мольсь профессиональной башка программатнень коряс, конатнень лувсо ваннозь коррупциянь а нолдамонь енкссо государственной политикань топавтоманть коряс кевкстематне. Тонавтнема ютасть 242 государственной гражданской служащейть ды лицят, конат саить государственной должносттнень, ды 520 муниципальной служащейть.
Республикань Прявтось тешкстызе правань коламотнень профилактиканть туртов те важодемань эрявиксчинть.
Промкссонть истя жо кортызь 2024 иентень Комиссиянь важодемань аравтлувонть.
Мордовия Республикань Прявтонь пресс-службась