«Оперштабось важоди уш иеде ламо, – ледстизе республикань Прявтось. – Россиянь Президентэнть кармавтаманзо коряс теезельть истят институтт – путозь тевтнень топавтомаст туртов, сынь малавгавтыть масторонь руководстванть, властень федеральной ды республикань органтнэнь, муниципалитеттнэнь».
Оперштабонть важодеманзо вельде, кода тешкстызе региононь руководителесь, зярыя стака енкстнэнь коряс витезь кевкстематне, конатнень зярыя иетнень перть ютасть ве енга. Невтевкстнэнь ютксо вейкесь – ветязь порядок гражданской оборонань объекттнэсэ. Те токши гражданской оборонань объекттнэнь лангс праватнень теевтемань, сынст технической енксост ванномань кевкстематнень», – тешкстызе Артём Здунов.
Седе, кода топавтовить мероприятиятне, конат токшить ванстомань сооружениятнень кирдеманть, истя жо конат аштить республикань ды муниципальной азорксчисэ, пачтясь МР-нь гражданской оборонань ды чрезвычайной тевтнень коряс Госкомитетэнь председателесь Андрей Наумов.
Штабонь промкссонть истя жо ваннозь республикасонть гражданской оборонань мероприятиятнень топавтоманть туртов республикань резерватнень ды материальной ресурстнэнь состояниянь кевкстематне.
Мордовия Республикань Прявтонь пресс-службась