Беларусь Республикань налогонь ды сбортнэнь министранть Сергей Наливайко марто вейсэ Мордовиянь представительтне ульнесть Ине Отечественной войнань иетнестэ Белоруссиянь маштовозь эрицятнень ледстнемань музейсэнть. Артём Здунов кадсь сермадовкс ваныцятнень книгантень – сон евтась сюкпря мемориалонь сотрудниктненень 20-це пингень ине зыянонть коряс, советской народонь героической ине тевест коряс ледстнематнень ванстоманть кисэ. Республикань Прявтось тешкстызе Мордовиянь школасо тонавтницятнень туртов те музеентень экскурсиятнень анокстамонь эрявиксчинть, тень мереви теемс каникулатнень шкасто.
«Хатынь» – мемориальной комплекс, конась стявтозь Минской областень Логойский районсонть истямо жо лем марто веленть таркас, конань фашисттнэ пултызь эрицятнень марто вейсэ. Те покш зыянонь тешкс, конань печтизь Белоруссиянь эрицятне Ине Отечественной войнанть шкасто.
Мордовиянь делегациясь путсь цецят Свалпалыця толонть ды «Непокоренный человек» монументэнть ваксс.
Мордовия Республикань Прявтонь пресс-службась