Москов ало авиакатастрофасонть чавовозь Мордовиясо чачозь Елена Давыдовань малавиксэнзэ ёвтасть покш сюкпря Республикань Прявтонтень Владимир Волковнень явозь лезксэнть кисэ.
«Минек весе семиянть пельде ёвтатано сюкпря Владимир Дмитриевичнень куроксто явозь лезксэнть кисэ. Минь кандынек а топавтовиця ёмавкс, ды минек туртов неть стака минутатнестэ тынь маринк минек зыянонть ды кирдимизь эсенк участиясонть ды ризксэнь ёвтамосонть», – мерсть чавовозенть патязо Наталья Летина.
Ледстясынек, зыянонь лисемадонть мейле сеске Мордовиянь Прявтось Владимир Волков кармавтсь пандомс чавовозь Елена Давыдовань семиянтень 1 миллион целковойть ды явомс весемеёндонь лезкс.