Мордовия Республикань Правительствась Россиянь МЧС-нть марто вейсэ ютавты важодема апак учонь зыянов тевтнень а нолдамонть коряс.
Республикань Прявтось Артём Здунов тешкстызе: «Тундонь чадыведентень анокстамонть лувсо ютавтозь важодемат лейтнень ванськавтоманть, гидротехнической сооружениятнень витнеманть, азортомо ГТС-тнень азорост редямонть коряс, 5 иетнень перть 34-тнестэ сынь киртявсть вететнень видьс. Теезь финансонь резерва, ладязь вейсэнь тевдеема весе уровнятнесэ, теезь башка гидропостт, чадыведенть мельга ванномань технической лия средстват».
Республикасонть оперативной обстановкадонть ды превентивной тевтнеде евтнесь Мордовия Республикава МЧС-нь Главной управлениянь прявтось Сергей Репин. Тешкстызе, чадыведесь ушодови. Республикасонть теезь 9 стационарной гидропостт. Россиянь МЧС-нь вийтне ды средстватне анокт.
Россиянь МЧС-нь Оперативной управлениянь департаментэнь прявтонь полавтыцясь Дмитрий Кулешов истя жо пшкадсь пачтямо марто, тешкстызе, самай вейсэнь вийтнень вельде мереви вадрясто топавтомс весе путозь тевтнень.
Мордовия Республикань Прявтонь Пресс-службась