Седейшкава евтан тенк поздоровт Доброволецэнь чинть кувалма!
Мелень явомась, паро ежось, вадря тевтне, лиятненень лездамось кармасть тынк туртов эрямонь смустекс. Тынь седейшкава лездатадо весенень ды свал.
Мордовиясо волонтертнэнь покш ды ялгаксчисэ важодиця команда. Регионсонть добровольческой тевдеемантень совить 24 тежадо ламо ломанть. Паро тевтне вейсэндить весень – школасто тонавтницятнестэ саезь сиянь иень ломантнень видьс. Тынь казтядо лембе ды мелень явома, а кадовтадо ве ено, бути кинень бути эряви лезкс. Явтадо мель ветерантнэнень, якатадо сэредицятнень мельга ды ультядо таркатнень вадрялгавтомасо-мазылгавтомасо. Вейкеяк покш тев а ютавтови тынктеме.
Течи, масторонть ды масторлангонть туртов аволь шожда шкастонть, волонтертнэ а аштить ве ено. Регионсонть мелень явиця тежат ломантне вейсэндявсть, штобу лездамс боецтнэнень ды сынст семиятненень. «Минь вейсэ» те аволь ансяк валт. Те гуманитарной грузонь тоннат, ладязь маршрутт, апак удо веть ды каштанчи минек енксонь цератнень кисэ. Евтан покш сюкпря весенень, кить лездыть минек цератненень малавгавтомс изнямонть.
Седейшкава арсян весенень кеме шумбрачи, паро эрямо ды изнявкст весе ушодкстнэсэ. Кадоводо истят жо мелень явицякс, паронь теицякс ды илинк емавто виенк-бажамонк. Тынк лезксэсь пек питней!
Мордовия Республикань Прявтось А. Здунов