«Газпром нефтень» смазочной материалтнэнь ассортиментэнтень совить автомобильной техникань ды индустриальной оборудованиянь продукциянь туртов 1 тежадо седе ламо видт. Оень од типтнень арсемась-теемась топавтови «Газпром нефтень» Смазочной материалтнэнь научно-исследовательской куншкакуросонть. Проектэнь операторокс карми «Газпромнефть – смазочные материалы» специализированной предприятиясь.
«Газпром нефть» истя жо максы Мордовия Республикань предприятиятненень искусственной интеллектэнь технологиятнень юрсо G-Lab предиктивной диагностикань цифровой сервис.
Александр Дюков «Газпром нефтень» генеральной прявтось: «Мордовия Республиканть ули промышленной ды научной редявикс потенциалозо. Региононь экономикань малав 25% савтовить покш технологичной производстватнень лангс, косо тевс нолдави неень шкань стака оборудованиясь. Сонзэ нардев ды лезэв важодеманть туртов эрявить пек вадрят смазочной материалт, конатнень анок пачтямс минек компаниясь. «Газпром нефтень» продукциянь ассортиментэсь пексты региононь экономикань весе отраслятнень вешемаст, минек цифровой сервистнэ максыть возможность кочкамс башка предприятиятнень туртов ойтнень лия енов а молиця рецептурат».
Артём Здунов, Мордовия Республикань Прявтось: «Минь ветятано важодема региононь экономикань весе отраслятнень омбо масторонь пачтямотнень эйстэ олячинь кемекстамонть коряс. Те тевень витеманть туртов виевгавтано вейсэнь важодеманть Россиянь техникань ды продукциянь производительтнень марто. «Газпром нефть» марто тешкстазь вейсладямось – истямо вейсэнь важодемань невтевкс».
Мордовия Республикань Прявтонь пресс-службась